മോസ്റ്റ് പോപ്പുലർ സിനിമകളുടെ പട്ടികയിൽ ഇടം നേടി ദൃശ്യം! നൂറ് സിനിമകളുടെ പട്ടികയിൽ പത്താം സ്ഥാനം

ആമസോൺ പ്രൈമിൽ റിലീസ് ചെയ്ത ദൃശ്യം മികച്ച പ്രതികരണമാണ് ലഭിച്ച കൊണ്ടിരിക്കുന്നത്. നിരവധി അഭിപ്രായങ്ങളാണ് ചിത്രത്തിൽ ലഭിച്ച് കൊണ്ടിരിക്കുന്നത്. ഐഎംഡിബിയിൽ ലോകത്തിലെ തന്നെ ‘മോസ്റ്റ് പോപ്പുലർ’ സിനിമകളുടെ പട്ടികയിൽ ഇടംനേടിയിരിക്കുകയാണ് ചിത്രം. നൂറ് സിനിമകളുടെ പട്ടികയിൽ പത്താം സ്ഥാനത്താണ്. പട്ടികയിലെ ഏക ഇന്ത്യൻ സിനിമയാണ് ഇത്.

ഹോളിവുഡ് സിനിമകളായ ഐ കെയർ എ ലോട്ട്, മോർടൽ കോംപാട്, നോമാഡ്‌ലാൻഡ്, ആർമി ഓഫ് ദ് ഡെഡ്, ടോം ആൻഡ് ജെറി, ജസ്റ്റിസ് ലീഗ്, മോൺസ്റ്റർ ഹണ്ടർ‍, ദ് ലിറ്റിൽ തിങ്സ് എന്നീ വമ്പൻ സിനിമകൾക്കൊപ്പമാണ് ദൃശ്യം 2 ഇടം നേടിയതെന്നത് ഏവർക്കും അഭിമാനിക്കാവുന്ന നേട്ടമാണ്.

18308 ഐഎംഡിബി ഉപഭോക്താക്കളുടെ വോട്ടിൽ 8.8 ആണ് ദൃശ്യം 2വിന്റെ റേറ്റിങ്. ഇതിൽ തന്നെ 11450 പേർ ചിത്രത്തിന് പത്തിൽ പത്തും നൽകി. ലോകത്തെ വിവിധ സ്ഥലങ്ങളിൽ നിന്നും ചിത്രത്തിനു ലഭിച്ച വോട്ടിങ് ആണ് റേറ്റിങ് കൂടാൻ കാരണമായത്.