സ്‌പൈഡര്‍മാന്‍ നോ വേ ടു ഹോം ഇന്ന് ഇന്ത്യയില്‍ പ്രദര്‍ശനത്തിന് എത്തും; ആകാംക്ഷയോടെ ആരാധകര്‍

ജോണ്‍ വാട്ട്‌സിന്റെ സംവിധാനത്തില്‍, മാര്‍വല്‍ സിനിമാറ്റിക് യൂണിവേഴ്‌സിലെ ഇരുപത്തിയൊന്നാമത് ചിത്രമായ, സ്‌പൈഡര്‍മാന്‍ നോ വേ ടു ഹോം ഇന്ന് ഇന്ത്യയില്‍ പ്രദര്‍ശനത്തിന് എത്തും. 2017ലും, 2019 ലും ഇറങ്ങിയ സ്‌പൈഡര്‍മാന്‍ ചിത്രങ്ങളുടെ തുടര്‍ച്ചയായാണ് ചിത്രം വരുന്നത്. ടോം ഹോളണ്ടാണ് ചിത്രത്തില്‍ സ്‌പൈഡര്‍മാനായി എത്തുന്നത്.

ഏറെ സര്‍പ്രൈസുകള്‍ ഒളിച്ചുവച്ചാണ് ചിത്രം എത്തുന്നത് എന്ന സൂചനയാണ് ആദ്യ ട്രെയിലര്‍ നല്‍കുന്നത്. ബെനഡിക്ട് കൂമ്ബര്‍ബെച്ച് അവതരിപ്പിക്കുന്ന മാര്‍വല്‍ സൂപ്പര്‍ ഹീറോയായ ഡോ.സ്‌ട്രേഞ്ച് ചിത്രത്തില്‍ ഒരു പ്രധാന കഥാപാത്രമാണ്.

ഇന്ത്യയിലെ മുന്‍നിര ദേശീയ ശൃംഖലയായ പിവിആര്‍, 3 മണിക്കൂറിനുള്ളില്‍ സ്പൈഡര്‍മാന്റെ 50,000 ടിക്കറ്റുകള്‍ വിറ്റഴിച്ചു, ഇത് സിനിമ ബോക്സ് ഓഫീസില്‍ സൃഷ്ടിക്കാന്‍ പോകുന്ന റെക്കോഡിന്റെ സൂചനയല്ലാതെ മറ്റൊന്നുമല്ല.

രാജ്യത്തുടനീളം ചൂടപ്പം പോലെയാണ് ടിക്കറ്റുകള്‍ വിറ്റഴിയുന്നത്. ബോര്‍ഡില്‍ ഉടനീളം വിലയില്‍ വര്‍ദ്ധനവുണ്ടായിട്ടുണ്ട്. എന്നാല്‍ സ്‌പൈഡര്‍മാന്റെ വരവ് ആഘോഷിക്കാന്‍ മാര്‍വല്‍ ആരാധകരെ വന്‍തോതില്‍ ഇറങ്ങുന്നതില്‍ നിന്ന് ഇത് തടയുന്നില്ല.

900 സ്‌ക്രീനുകളിലായി ഇന്ത്യയില്‍ പ്രവര്‍ത്തിക്കുന്ന ഈ ഒരൊറ്റ ശൃംഖലയില്‍ ആകെ നേടിയത് 2.10 കോടി രൂപയാണ്. വിറ്റുപോയ 50,000 ടിക്കറ്റുകളില്‍ 37,000 ടിക്കറ്റുകള്‍ ഉദ്ഘാടന ദിവസത്തേയ്ക്കുള്ളതാണ്, ബാക്കിയുള്ള 14,000 എണ്ണം വെള്ളി, ശനി, ഞായര്‍ എന്നിങ്ങനെയുള്ള ദിവസങ്ങളിലും.