ലോകം കൊറോണയെന്ന പ്രശ്‌നത്തില്‍, ഞങ്ങള്‍ കൊറോണയേയും കരീനയേയും ഡീല്‍ ചെയ്യുകയായിരുന്നുവെന്ന് കരീന കപൂര്‍

ബോളിവുഡ് സിനിമാപ്രേമികള്‍ ഏറെക്കാലമായി റിലീസ് കാത്തിരിക്കുന്ന ചിത്രമാണ് ആമിര്‍ ഖാന്റെ ‘ലാല്‍ സിംഗ് ചന്ദ’. 2020 ഡിസംബറില്‍ റിലീസ് ചെയ്യേണ്ടിയിരുന്ന ചിത്രം കോവിഡിനെ തുടര്‍ന്ന് നീട്ടിവയ്ക്കുകയായിരുന്നു.

ഇപ്പോഴിതാ, ചിത്രത്തിന്റെ റിലീസ് നീണ്ടുപോയതിനെ കുറിച്ച് പറയുന്ന ആമിര്‍ ഖാന്റെ ഒരു വീഡിയോ ആണ് ശ്രദ്ധ നേടുന്നത്. ഈ വര്‍ഷം ക്രിസ്മസിന് ചിത്രം റിലീസ് ചെയ്യാന്‍ ശ്രമിക്കുകയാണെന്നും താരം പറയുന്നു.

കോവിഡ് മഹാമാരി ശക്തി പ്രാപിച്ചതിനിടയില്‍ എങ്ങനെ ചിത്രീകരണം പൂര്‍ത്തിയാക്കും എന്ന ആശങ്കയില്‍ ഇരിക്കുമ്പോഴാണ് കരീന തന്റെ പ്രഗ്‌നന്‍സി അനൗണ്‍സ് ചെയ്യുന്നത്. ”ലോകം കൊറോണയെന്ന പ്രശ്‌നത്തോട് എതിരിടുമ്പോള്‍ ഞങ്ങള്‍ കൊറോണയേയും കരീനയേയും ഡീല്‍ ചെയ്തു കൊണ്ടിരിക്കുകയായിരുന്നു.

ചിത്രത്തിലെ നായികയായ കരീന ഗര്‍ഭിണിയായതായിരുന്നു ഒരു സങ്കീര്‍ണത, അതിനാല്‍ കാറ്റിനെ മറ്റൊരു ദിശയിലേക്ക് മാറ്റി ഞങ്ങള്‍ ചിത്രീകരണം ധൃതിയില്‍ പൂര്‍ത്തിയാക്കി” എന്നും ആമിര്‍ ഖാന്‍ പറയുന്നു.