ബംഗാള്‍ നിയമസഭാ തെരഞ്ഞെടുപ്പ്; ബിജെപി സ്ഥാനാര്‍ഥികളുടെ അന്തിമ പട്ടികയില്‍ നടന്‍ മിഥുന്‍ ചക്രവര്‍ത്തി ഇല്ല

ബംഗാള്‍ നിയമസഭാ തെരഞ്ഞെടുപ്പിലെ ബിജെപി സ്ഥാനാര്‍ഥികളുടെ അന്തിമ പട്ടികയില്‍ നടന്‍ മിഥുന്‍ ചക്രവര്‍ത്തിയുടെ പേരില്ല. റാഷ്ബെഹാരി മണ്ഡലത്തില്‍ നിന്നും അദ്ദേഹം മത്സരിക്കുമെന്നായിരുന്നു റിപ്പോര്‍ട്ടുകള്‍.

എന്നാല്‍ വിരമിച്ച ലഫ്റ്റനന്റ് ജനറല്‍ സുബ്രതാ സാഹയാണ് റാഷ്ബെഹാരിയില്‍ ബിജെപി സ്ഥാനാര്‍ഥിയായി മത്സരിക്കുന്നത്.

മാര്‍ച്ച് ഏഴിന് കോല്‍ക്കത്തയിലെ ബിജെപിയുടെ മെഗാ ബ്രിഗേഡ് പരേഡ് റാലിയില്‍ പ്രധാനമന്ത്രി നരേന്ദ്രമോദിക്കൊപ്പം വേദി പങ്കിട്ടപ്പോള്‍ മുതല്‍ മിഥുന്‍ ചക്രവര്‍ത്തിയുടെ സ്ഥാനാര്‍ഥിത്വത്തെക്കുറിച്ച് ഏറെ ചര്‍ച്ചയുണ്ടായിരുന്നു.

സുവേന്ദു അധികാരി മത്സരിക്കുന്ന നന്ദിഗ്രാം മണ്ഡലത്തില്‍ മാര്‍ച്ച് 30ന് നടക്കുന്ന പ്രചരണ റാലിയില്‍ മിഥുന്‍ ചക്രവര്‍ത്തി പങ്കെടുക്കും. കേന്ദ്ര ആഭ്യന്തരമന്ത്രി അമിത്ഷായും പരിപാടിയല്‍ എത്തുന്നുണ്ട്.