വെള്ള മുണ്ടും കുര്‍ത്തയും ധരിച്ച് മമ്മൂട്ടി; മുടി നീട്ടി വളർത്തി താരം; ചിത്രങ്ങൾ വൈറൽ

കോവിഡ്കാലത്ത് വീട്ടില്‍ തന്നെ വിശ്രമജീവിതത്തിലായിരുന്നു മമ്മൂട്ടി. ഇടവേളയ്ക്ക് ശേഷം പരസ്യ ചിത്രീകരണത്തിനായി പുറത്തുവന്ന മമ്മൂട്ടിയുടെ ചിത്രങ്ങള്‍ എല്ലാം സമൂഹമാധ്യമങ്ങളില്‍ വൈറലായി മാറിയിരുന്നു. ഇപ്പോഴിതാ താരത്തിന്റെ പുതിയ ചിത്രമാണ് ചര്‍ച്ചയാവുന്നത്.

കൊച്ചിയുടെ നിയുക്ത മേയര്‍ അനില്‍ കുമാര്‍ മമ്മൂട്ടിയെ വീട്ടിലെത്തി സന്ദര്‍ശിച്ച വേളയില്‍ പകര്‍ത്തിയ ചിത്രമാണ് ഇത്. വെള്ള മുണ്ടും കുര്‍ത്തയും ധരിച്ച്‌ നില്‍ക്കുന്ന മമ്മൂട്ടിയെ ആണ് ചിത്രങ്ങളില്‍ കാണാനാവുക. അനില്‍ കുമാറാണ് ചിത്രങ്ങള്‍ പങ്കുവച്ചത്. അനില്‍ കുമാറിനൊപ്പം കൗണ്‍സിലര്‍ സി ഡി ബിന്ദുവും ഉണ്ടായിരുന്നു.