ദൈവം തരുന്ന കുഞ്ഞല്ലേ ഇങ്ങനെ പറയരുത്…; തമാശയ്ക്ക് പറഞ്ഞത് സീൻ ആയി ; ഒടുവിൽ ആതിര മാധവിന് കുഞ്ഞ് പിറന്ന സന്തോഷത്തിൽ അമൃത നായർ അതും തുറന്നു സമ്മതിച്ചു!

കുടുംബവിളക്കിലൂടെയായി പ്രേക്ഷകര്‍ക്ക് പ്രിയങ്കരിയായി മാറിയ താരങ്ങളാണ് ആതിര മാധവും അമൃത നായരും. ഡോക്ടര്‍ അനന്യ എന്ന കഥാപാത്രത്തെയായിരുന്നു ആതിര മാധവ് അവതരിപ്പിച്ചത്. ശീതളായാണ് അമൃത നായര്‍ എത്തിയത്. അടുത്ത സുഹൃത്തുക്കളായ ഇരുവരും സീരിയലില്‍ നിന്നും മാറിയതിന് ശേഷവും അതേ സൗഹൃദം നിലനിര്‍ത്തുന്നുണ്ട്. കുഞ്ഞതിഥിയെ കാത്തിരിക്കുന്ന ആതിരയെ കാണാനായി അമൃതയും അമ്മയും എത്തിയിരുന്നു. ആഗ്രഹിച്ചത് പോലെ തന്നെ ആതിരയുടെ പ്രസവം നടന്നതിന്റെ സന്തോഷം പങ്കിട്ടെത്തിയിരിക്കുകയാണ് അമൃത നായര്‍.

ഗുരുവായൂർ സന്ദർശനത്തിനിടയിലായാണ് അമൃത ഈ സന്തോഷവാർത്ത അറിഞ്ഞത്. ഇൻസ്റ്റഗ്രാമിലൂടെയായാണ് ആതിരയുടെ പുതിയ സന്തോഷത്തെ കുറിച്ച് അമൃത പ്രേക്ഷകരോട് പങ്കുവെച്ചത്. ‘ഞാനിപ്പോൾ അറിഞ്ഞതേയുള്ളൂ… എന്റെ ബെസ്റ്റ്ഫ്രണ്ട് ആതിര പ്രസവിച്ചു. നോർമൽ ഡെലിവറിയായിരുന്നു. ആൺകുഞ്ഞാണ്. അവളെ ആദ്യമായി കാണാൻ പോയപ്പോഴും പിന്നീട് കാണുമ്പോഴുമെല്ലാം ആൺകുഞ്ഞായിരിക്കുമെന്നാണ് ഞാൻ പറയാറുള്ളത്. എന്റെ മരുമകനായിരിക്കും എന്ന് ഞാൻ തമാശ പറയാറുണ്ടായിരുന്നു. അപ്പോൾ എന്റെയടുത്ത് പലരും പറഞ്ഞു അങ്ങനെയൊന്നും പറയരുതെന്ന്.’

‘ദൈവം തരുന്ന കുഞ്ഞല്ലേ അങ്ങനെയൊന്നും പറയരുതെന്നായിരുന്നു ചിലർ പറഞ്ഞത്. ആണാണെങ്കിലും പെണ്ണാണെങ്കിലും സ്വീകരിക്കില്ലേ പിന്നെന്തിനാണ് ഇങ്ങനെ പറയുന്നതെന്ന് തോന്നിയിരുന്നു. ഞങ്ങൾ തമാശയ്ക്ക് പറഞ്ഞതാണ്. എനിക്ക് എത്രയും പെട്ടെന്ന് മരുമകനെ കാണാൻ പോകണം. ഞാൻ അവളെയും രാജീവേട്ടനേയും വിളിച്ചിരുന്നു. എനിക്ക് കിട്ടിയില്ല. ഞങ്ങളിപ്പോൾ ഗുരുവായൂരിലേക്ക് വന്നതാണ്. തിരിച്ച് പോയിട്ട് വേണം അവരെ കാണാൻ. എന്തായാലും ഒത്തിരി സന്തോഷമായി’ അമൃത നായർ പറഞ്ഞു.

യൂട്യൂബ് ചാനലുമായി സജീവമാണ് ആതിരയും അമൃതയും. ഇടയ്ക്ക് ഇരുവരും ഒന്നിച്ച് വ്‌ളോഗ് ചെയ്തിരുന്നു. കുഞ്ഞിനെക്കുറിച്ച് പറയുമ്പോഴെല്ലാം അമൃത ആതിരയ്ക്ക് ആണ്‍കുഞ്ഞായിരിക്കുമെന്നാണ് പറഞ്ഞിരുന്നത്. മരുമകനെന്നാണ് സംബോധന ചെയ്യാറുള്ളതും. ആഗ്രഹിച്ചത് പോലെ തന്നെ ആണ്‍കുഞ്ഞിനെ കിട്ടിയല്ലോയെന്നായിരുന്നു ആരാധകരുടെ കമന്റുകള്‍.

ഷൂട്ടിനിടയില്‍ വയ്യായ്ക വന്ന് പരിശോധിച്ചപ്പോഴാണ് ഗര്‍ഭിണിയാണെന്നറിഞ്ഞത്. അതിന് ശേഷവും ആതിര അഭിനയിച്ചിരുന്നു. വയ്യായ്മകള്‍ കൂടിയതോടെയാണ് താരം സീരിയലില്‍ നിന്നും മാറിയത്. ഇനി കുടുംബവിളക്കിലേക്ക് തിരിച്ചില്ലെന്നും മറ്റൊരു പരമ്പരയിലൂടെ അഭിനയലോകത്തേക്ക് തിരികെ എത്തുമെന്നും ആതിര വ്യക്തമാക്കിയിരുന്നു.

സോഷ്യല്‍മീഡിയയില്‍ സജീവമായ ആതിര പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ബേബി ഷവറിന്റെയും വളക്കാപ്പ് ചടങ്ങിന്റെയും ചിത്രങ്ങളും വീഡിയോയുമെല്ലാം ആതിര പങ്കുവെച്ചിരുന്നു. ആശുപത്രിയിലേക്ക് പോവാനായി കിറ്റ് തയ്യാറാക്കിയതിനെക്കുറിച്ചും ആതിര പറഞ്ഞിരുന്നു.

about amritha