തെരുവ് നായ്ക്കളെ കൊല്ലുന്നത് അവസാനിപ്പിക്കൂ എന്ന മൃദുല മുരളിയുടെ പോസ്റ്റിന് പൊങ്കാല; കമന്റ് ചെയ്ത് സഹായിച്ചതിന് നന്ദി; മറുപടിയുമായി മൃദുല ; സപ്പോർട്ട് ചെയ്ത് അഭയ ഹിരണ്‍മയി!

തെരുവു നായ അക്രമണം രൂക്ഷമായതോടെ പേപ്പട്ടികളെയും ആക്രമണകാരികളായ നായ്ക്കളെയും കൊല്ലാൻ അനുമതി തേടി കേരളം സുപ്രീം കോടതിയെ സമീപിക്കാൻ ഒരുങ്ങുകയാണ്. ഈ വിഷയത്തിൽ പ്രതികരണവുമായി കഴിഞ്ഞ ദിവസം മൃദുല വിജയ് രംഗത്തുവന്നിരുന്നു. സോഷ്യൽ മീഡിയ പോസ്റ്റിലൂടെയാണ് മൃദുല പ്രതികരിച്ചത്.

തെരുവ് നായ്ക്കളെ കൊല്ലുന്നതിനോട് യോജിക്കാനാവില്ലെന്ന് വ്യക്തമാക്കി നിരവധി പേരാണ് എത്തിയിട്ടുള്ളത്. അക്കൂട്ടത്തിലാണ് മൃദുല മുരളിയും.

അതിക്രൂരമായ കുറ്റകൃത്യങ്ങള്‍ ചെയ്യുന്ന മറ്റുള്ളവരെ കൊന്നൊടുക്കുന്ന മനുഷ്യര്‍ ഇവിടെയുണ്ട്. എന്നുകരുതി മുഴുവന്‍ മനുഷ്യവര്‍ഗത്തേയും കൊല്ലാനാവുമോ, അതാണോ പരിഹാരം എന്നായിരുന്നു മൃദുല ചോദിച്ചത്. തെരുവ് നായകളെ കൊല്ലുന്നത് നിര്‍ത്തൂയെന്ന ഹാഷ് ടാഗോടെയായാണ് മൃദുല പോസ്റ്റ് പങ്കിട്ടത്. താരത്തെ അനുകൂലിച്ചും പ്രതികൂലിച്ചുമുള്ള കമന്റുകളാണ് പോസ്റ്റിന് താഴെയുള്ളത്.

എന്നാലൊരു കാര്യം ചെയ്യൂ, ഈ നാട്ടിലെ പട്ടികളെയെല്ലാം നിങ്ങള്‍ കൊണ്ടുപോയി നോക്കിക്കോളൂ. പട്ടി കടിക്കുന്നവരുടെ അവസ്ഥ മനസിലാക്കണം. ഇവരാരും പട്ടിയുടെ അണ്ണാക്കില്‍ കൈ ഇട്ട് കടി വാങ്ങിയവരല്ല.

ഒരു കൊച്ചുകുഞ്ഞിനെ കടിച്ച് പറിച്ചു, അത് മരിച്ചു. അതുപോലെ വേറെയും, അതൊന്നും എന്താണ് പറയാത്തതെന്നായിരുന്നു ഒരാള്‍ ചോദിച്ചത്. സെല്‍ഫ് പ്രമോഷന്‍ തുടങ്ങിയല്ലേ എന്നൊരാള്‍ ചോദിച്ചപ്പോള്‍ കമന്റ് ചെയ്ത് സഹായിച്ചതിന് നന്ദിയെന്നായിരുന്നു മൃദുലയുടെ മറുപടി.

ആളുകള്‍ ഇറങ്ങിത്തുടങ്ങിയെന്ന് പറഞ്ഞപ്പോള്‍ ആ പാവങ്ങള്‍ക്ക് അതിന് പറ്റിലല്ലോയെന്നായിരുന്നു മൃദുല തിരിച്ച് ചോദിച്ചത്. അവരെയൊക്കെ നിങ്ങള്‍ക്ക് ദത്തെടുത്തൂടേയെന്നായിരുന്നു ഒരാള്‍ ചോദിച്ചത്. അവരെ കൊല്ലാതെ സുരക്ഷിതമായ സ്ഥലത്തേക്ക് മാറ്റുന്നതിനെക്കുറിച്ചാണ് ഞാന്‍ ചോദിച്ചതെന്നായിരുന്നു താരത്തിന്റെ മറുപടി.

ഷെല്‍ട്ടറുണ്ടാക്കാന്‍ ഒരു അസോസിയേഷന്‍ തുടങ്ങിക്കോ, അവരെ കൊല്ലാതെ ഇരിക്കുന്നതിനെക്കുറിച്ചാണ് ഞാന്‍ സംസാരിച്ചതെന്നായിരുന്നു മൃദുല മറുപടിയായി കൊടുത്തത്. മൃദുല മുരളിയുടെ പോസ്റ്റ് അഭയ ഹിരണ്‍മയിയും സ്‌റ്റോറിയായി പങ്കുവെച്ചിരുന്നു.

about mridula