ആലിയ ഭട്ട് നായികയായി എത്തിയ ചിത്രമാണ് ‘ഡാര്ലിംഗ്സ്’. മലയാളി താരം റോഷന് മാത്യുവും ചിത്രത്തില് പ്രധാനവേഷത്തിലെത്തുന്നുണ്ട്. ജസ്മീത് കെ റീന് സംവിധാനം ചെയ്ത ചിത്രത്തിന് മികച്ച പ്രതികരണമായിരുന്നു ലഭിച്ചത്. നെറ്റ്ഫ്ലിക്സില് ഡയറക്ട് റിലീസ് ആയിട്ട് എത്തിയ ചിത്രം ഇപ്പോഴും ട്രെന്ഡിംഗാണ്.
നെറ്റ്ഫ്ലിക്സിലെ ഗ്ലോബല് ടോപ് ടെന്നില് തുടര്ച്ചയായി രണ്ടാഴ്ച നാലാം സ്ഥാനത്തുണ്ടായിരുന്ന ‘ഡാര്ലിംഗ്സ്’ ഇപ്പോള് രണ്ടാമത് എത്തിയിരിക്കുകയാണ്. 24 മില്യണ് മണിക്കൂറിലധികം വാച്ചിംഗ് അവേഴ്സും ചിത്രത്തിനായി. യുകെ, ബ്രസീല് തുടങ്ങിയവ ഉള്പ്പടെ 28 രാജ്യങ്ങളില് ചിത്രം ട്രെന്ഡിംഗിലാണ്.
ഇന്ത്യ, സിംഗപ്പൂര്, ബഹറൈന്, ഹോംഗ് കോംഗ് തുടങ്ങിയ രാജ്യങ്ങളില് ചിത്രം ഒന്നാം സ്ഥാനത്തുമാണ്. വിജയ് വര്മയും ഷെഫാലി ഷായും ചിത്രത്തില് മറ്റ് പ്രധാന കഥാപാത്രങ്ങളായി എത്തിയിരിക്കുന്നു. ഗാര്ഹിക പീഡനം ചര്ച്ച ചെയ്യുന്ന ചിത്രത്തിന് പ്രേക്ഷകരില് നിന്നും നിരൂപകരില് നിന്നും അഭിനന്ദനങ്ങള് ലഭിക്കുന്നു. അഭിനേതാക്കളുടെ പ്രകടനത്തെയും പ്രേക്ഷകര് അഭിനന്ദിക്കുന്നു
ആലിയ ഭട്ടിന്റെ നിര്മാണ കമ്പനി ആദ്യമായി നിര്മിക്കുന്ന ചിത്രമാണ് ‘ഡാര്ലിംഗ്സ്’ എന്ന പ്രത്യേകതയുമുണ്ട്. എറ്റേണല് സണ്ഷൈന് പ്രൊഡക്ഷന്സിന്റെ ബാനറിലാണ് നിര്മാണം. റെഡ് ചില്ലീസ് എന്റര്ടെയ്ന്മെന്റിന്റെ ബാനറില് ഷാരൂഖും നിര്മാണത്തില് പങ്കാളിയാകുന്നു. റെഡ് ചില്ലീസിന്റെ ഒപ്പം ചിത്രത്തിന്റെ നിര്മാണത്തില് പങ്കാളിയാകുന്നതില് അഭിമാനമുണ്ടെന്ന് ആലിയ ഭട്ട് പറഞ്ഞിരുന്നു.
ട്രാൻസ്ജെൻഡർ ആക്ടിവിസ്റ്റ്, സിലിബ്രിറ്റി മേക്കപ്പ് ആർട്ടിസ്റ്റ് തുടങ്ങിയ മേഖലകളിലൂടെ മലയാളികൾക്ക് സുപരിചിതയാണ് സീമ വിനീത്. സോഷ്യൽ മീഡിയകളിൽ സജീവമായ സീമ തന്റെ...
ഹേമകമ്മിറ്റി റിപ്പോർട്ട് പുറത്ത് വന്നതിന് പിന്നാലെ വലിയ വിവാദങ്ങൾക്കാണ് മലയാള സിനിമാ ലോകം സാക്ഷ്യം വഹിച്ചത്. കേരളത്തിന് പുറത്തുൾപ്പെടെ വലിയ ചർച്ചകൾക്കുമാണ്...
തെന്നിന്ത്യയിലെ പ്രശസ്ത സിനിമാ താരം എ ശകുന്തള(84) അന്തരിച്ചു. ചൊവ്വാഴ്ച വൈകിട്ടോടെ ബെംഗളൂരുവിലെ സ്വകാര്യ ആശുപത്രിയിലായിരുന്നു അന്ത്യം. വാർധക്യസഹജമായ അസുഖങ്ങളെത്തുടർന്ന് ദീർഘനാളായി...
ബോളിവുഡിൽ നിരവധി ആരാധകരുള്ള താരമാണ് ആലിയ ഭട്ട്. സോഷ്യൽ മീഡിയയിൽ വളരെ സജീവമായ താരം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി...
ടൊവിനോയുടെ എ ആർ എമ്മിനും പെപ്പെയുടെ കൊണ്ടലിനുമൊപ്പം ഓണം റിലീസായി തിയേറ്ററുകളിലെത്തിയ ആസിഫ് അലി ചിത്രമാണ് കിഷ്കിന്ധാ കാണ്ഡം. മികച്ച പ്രക്ഷേക...
