അമ്മ ഉണ്ടായിരുന്നപ്പോള്‍ തികച്ചും വ്യത്യസ്തയായ ഒരാളായിരുന്നു താന്‍, അന്നത്തെ ജീവിതം സ്വപ്‌ന തുല്ല്യമായിരുന്നു; തന്റെ അമ്മയെ കുറിച്ച് ജാന്‍വി കപൂര്‍

ബോളിവുഡില്‍ തിളങ്ങി നില്‍ക്കുന്ന താരമാണ് ജാന്‍വി കപൂര്‍. ഇപ്പോഴിത തന്റെ അമ്മയും നടിയുമായ ശ്രീദേവിയെ കുറിച്ചുളള ജാന്‍വിയുടെ വാക്കുകളാണ് ശ്രദ്ധ നേടുന്നത്. കരണ്‍ ജോഹര്‍ അവതാരകനായി എത്തുന്ന ‘കോഫി വിത്ത് കരണ്‍ ചാറ്റ്’ ഷോയിലാണ് ജാന്‍വി അമ്മയുടെ ഓര്‍മകള്‍ പങ്കുവച്ചത്.

അമ്മ ഉണ്ടായിരുന്നപ്പോള്‍ തികച്ചും വ്യത്യസ്തയായ ഒരാളായിരുന്നു താനെന്നും, അന്നത്തെ ജീവിതം സ്വപ്‌ന തുല്ല്യമായിരുന്നു. ഒരു ഫാന്റസിയിലാണ് ഞങ്ങള്‍ ജീവിച്ചിരുന്നതെന്നു ജാന്‍വി പറഞ്ഞു.

തന്റെ സഹോദരങ്ങളായ അര്‍ജുന്‍ കപൂര്‍, അന്‍ശുല കപൂര്‍ എന്നിവരുമായുളള ആത്മബന്ധത്തെ കുറിച്ചും നടി പറഞ്ഞു.’അന്‍ഷുല ദീദിയും അര്‍ജുന്‍ ഭയ്യയും ഇല്ലായിരുന്നെങ്കില്‍ അതിലൂടെ കടന്നുപോകുക അസാധ്യമായിരിക്കുമായിരുന്നു എന്ന് താന്‍ കരുതുന്നു.

അമ്മ എന്ന ആ നഷ്ടം നികത്താന്‍ യാതൊന്നിനും കഴിയില്ല. എന്നാല്‍ ഇതൊരു പുതിയ ഊര്‍ജമാണ്. താന്‍ ഒരു പുതിയ വ്യക്തിയായി മാറിയെന്നും ജാന്‍വി കപൂര്‍ കൂട്ടിച്ചേര്‍ത്തു. 2018 ലായിരുന്നു നടി ശ്രീദേവി മരിച്ചത്.