Connect with us

ഭക്ഷ്യവിഷബാധയേറ്റ് ചികിത്സയിലായിരുന്ന ജാൻവി കപൂർ ആശുപത്രി വിട്ടു!

Actress

ഭക്ഷ്യവിഷബാധയേറ്റ് ചികിത്സയിലായിരുന്ന ജാൻവി കപൂർ ആശുപത്രി വിട്ടു!

ഭക്ഷ്യവിഷബാധയേറ്റ് ചികിത്സയിലായിരുന്ന ജാൻവി കപൂർ ആശുപത്രി വിട്ടു!

ബോളിവുഡ് പ്രേക്ഷകർക്കേറെ പ്രിയങ്കരിയായ താരമാണ് ജാൻവി കപൂർ. നടി ശ്രീദേവിയുടെ മകൾ എന്ന നിലയിലും നടിയെന്ന നിലയിലും ശ്രദ്ധേയയാണ് താരം. സോഷ്യൽ മീഡിയയിൽ നടിയുടെ വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. കുറച്ച് ദിവസങ്ങൾക്ക് മുമ്പായിരുന്നു നടിയെ ആശുപത്രിയിൽ പ്രവേശിപ്പിച്ചതായുള്ള വാർത്തകൾ പുറത്തതെത്തിയത്.

ഭക്ഷ്യവിഷബാധയെ തുടർന്നാണ് താരത്തെ ആശുപത്രിയിൽ പ്രവേശിപ്പിച്ചത്. ശനിയാഴ്ച രാവിലെ തന്നെ ജാൻവിയെ ആശുപത്രിയിൽ നിന്നും ഡിസ്ചാർജ് ചെയ്തു. അവൾ ഇപ്പോൾ സുഖമായിരിക്കുന്നുവെന്നാണ് പിതാവ് ബോണി കപൂർ മാധ്യമങ്ങളോട് പറഞ്ഞത്. താരം ഇപ്പോൾ സഹോദരി ഖുഷി കപൂറിന്റെയും കാമുകൻ ശിഖർ പഹാരിയയുടെയും സംരക്ഷണത്തിലാണെന്നും അദ്ദേഹം കൂട്ടിച്ചേർത്തു.

കുറച്ച് ദിവസങ്ങൾക്ക് മുമ്പ് ആനന്ത് അംബാനി- രാധിക മെർച്ചന്റ് വിവാഹത്തിന് പങ്കെടുക്കാനെത്തിയ ജാൻവിയുടെ ചിത്രങ്ങളും ശ്രദ്ധിക്കപ്പെട്ടിരുന്നു. ഗോൾഡൻ ലെഹങ്ക അണിഞ്ഞാണ് വിവാഹത്തിന് ജാൻവി കപൂർ കാമുകനൊപ്പം എത്തിയത്. സ്വർണ്ണ ആഭരണങ്ങൾ കൊണ്ട് നിർമ്മിച്ച ബ്രലെറ്റ് ബ്ലൗസായിരുന്നു ജാൻവി അണിഞ്ഞിരുന്നത്.

ബ്രലെറ്റ് ബ്ലൗസ് പൂർണ്ണമായും സ്വർണ്ണ ടെമ്പിൾ ആഭരണങ്ങൾ കൊണ്ട് നിർമ്മിച്ചതാണ്. വിലയേറിയ മരതകം, മാണിക്യ കല്ലുകൾ തുടങ്ങിയവയും ഇവ ഡിസൈൻ ചെയ്യാൻ ഉപയോഗിച്ചിട്ടുണ്ട്. താരം ധരിച്ചിരുന്നത് ഫാൽഗുനി ഷെയ്ൻ പീക്കോക്കിൻറെ കസ്റ്റം-മെയ്ഡ് ലെഹങ്കയാണ്.

കല്ലുകൾ പതിച്ച ചോക്കർ നെക്ലസും അതിനിണങ്ങുന്ന വലിയ ഹാങ്ങിങ് കമ്മലുമാണ് ജാൻവി അണിഞ്ഞിരുന്നത്. ഈ ചിത്രങ്ങൾ ജാൻവി തന്നെയാണ് തൻറെ ഇൻസ്റ്റഗ്രാമിലൂടെ പങ്കുവച്ചിരിക്കുന്നത്. അമി പട്ടേൽ ആണ് സ്റ്റൈലിസ്റ്റ്.

അതേസമയം, ഫൽജ ആണ് താരത്തിന്റെ പുതിയ ചിത്രം. ഇന്ത്യൻ ഫോറിൽ സർവീസിലെ ഏറ്റവും പ്രായംകുറഞ്ഞ ഡെപ്യൂട്ടി കമ്മിഷണറായ സുഹാന ഭാട്ടിയയുടെ കഥാപാത്രത്തെയാണ് ചിത്രത്തിൽ താരം അവതരിപ്പിക്കുന്നത്. ഓഗസ്റ്റ് രണ്ടിനാണ് ചിത്രം തിയറ്ററിലെത്തുക. മിസ്റ്റർ ആൻഡ് മിസിസ് മാഹിയാണ് താരത്തിന്റേതായി അവസാനമായി പുറത്തെത്തിയത്.

More in Actress

Trending

Malayalam