Connect with us

തങ്ങള്‍ എന്നെങ്കിലും മടങ്ങിവരും; അനിശ്ചിതകാലത്തേയ്ക്ക് ഇടവേള പ്രഖ്യാപിച്ച് ബിടിഎസ്; നിരാശയോടെ ആരാധകര്‍

News

തങ്ങള്‍ എന്നെങ്കിലും മടങ്ങിവരും; അനിശ്ചിതകാലത്തേയ്ക്ക് ഇടവേള പ്രഖ്യാപിച്ച് ബിടിഎസ്; നിരാശയോടെ ആരാധകര്‍

തങ്ങള്‍ എന്നെങ്കിലും മടങ്ങിവരും; അനിശ്ചിതകാലത്തേയ്ക്ക് ഇടവേള പ്രഖ്യാപിച്ച് ബിടിഎസ്; നിരാശയോടെ ആരാധകര്‍

ലോകം മുഴുവന്‍ ആരാധകരുള്ള കൊറിയന്‍ സംഗീത ബാന്‍ഡ് ആണ് ബിടിഎസ്. ഏറെ ആകാംക്ഷയോടെയാണ് ബിടിഎസിന്റെ പുതിയ വീഡിയോകള്‍ക്കായി കാത്തിരിക്കുന്നത്. എന്നാല്‍ ഇപ്പോഴിതാ ആരാധകരെയെല്ലാം നിരാശയിലാഴ്ത്തുന്ന വാര്‍ത്തയുമായി എത്തിയിരിക്കുകയാണ് ബിടിഎസ്.

അനിശ്ചിതകാലത്തേയ്ക്ക് ഇടവേള പ്രഖ്യാപിച്ചിരിക്കുകയാണ് എന്നാണ് താരങ്ങള്‍ അറിയിച്ചിരിക്കുന്നത്. വ്യക്തിഗത കരിയര്‍ പിന്തുടരുന്നതിന് വേണ്ടിയാണ് ഇടവേള എടുക്കുന്നതെന്നാണ് ബിടിഎസ് അറിയിച്ചിരിക്കുന്നത്. ബാന്‍ഡ് രൂപീകരിച്ച് ഒന്‍പത് വര്‍ഷം പൂര്‍ത്തിയാക്കിയ വേളയില്‍ നടത്തിയ പ്രത്യേക അത്താഴ വിരുന്ന് ‘ഫെസ്റ്റ 2022ന്’ ശേഷമാണ് ബിടിഎസിന്റെ പുതിയ പ്രഖ്യാപനം.

തങ്ങള്‍ എന്നെങ്കിലും മടങ്ങിവരുമെന്നും സംഘം ആരാധകരോട് പറഞ്ഞു. സംഘാംഗങ്ങള്‍ വികാരഭരിതരാകുകയും ചെയ്യുന്നുണ്ട്. കഴിഞ്ഞ വര്‍ഷം ഏപ്രിലില്‍ പുറത്തിറങ്ങിയ ‘ഡൈനമൈറ്റ്’ എന്ന മ്യൂസിക് വീഡിയോയിലൂടെ ലോകമെമ്പാടുമുള്ള സംഗീതാസ്വാദകര്‍ക്കിടയില്‍ തരംഗം തീര്‍ക്കാന്‍ ബിടിഎസിന് സാധിച്ചിരുന്നു. ഈ മ്യൂസിക് വീഡിയോയിലൂടെ തങ്ങളുടെതന്നെ മുന്‍ റെക്കോര്‍ഡാണ് ബിടിഎസ് മറികടന്നത്.

ആര്‍എം, ജെ-ഹോപ്പ്, ജിന്‍, സുഗ, പാര്‍ക്ക് ജി-മിന്‍, വി, ജംഗ്കൂക്ക് എന്നിവരാണ് ബിടിഎസിലെ അംഗങ്ങള്‍. ഇതില്‍ ജിന്‍ വരുന്ന ഡിസംബറില്‍ 30 വയസ് തികയുകയാണ്. ഡിസംബര്‍ 4നാണ് ഇത്. അതിനാല്‍ തന്നെ ഇദ്ദേഹം ദക്ഷിണകൊറിയയിലെ നിയമം അനുസരിച്ച് നിര്‍ബന്ധിത സൈനിക സേവനത്തിന് പോകേണ്ടിവരും എന്ന് നേരത്തെ റിപ്പോര്‍ട്ടുകള്‍ വന്നിരുന്നു.

More in News

Trending

Recent

To Top