Malayalam
വഞ്ചനാപരവും തെറ്റായ വിവരങ്ങളും, അല്ലു അര്ജുന് എതിരെ പരാതി
വഞ്ചനാപരവും തെറ്റായ വിവരങ്ങളും, അല്ലു അര്ജുന് എതിരെ പരാതി
തെന്നിന്ത്യന്‍ താരം അല്ലു അര്ജുന് എതിരെ പരാതി. പരസ്യം വഞ്ചനാപരവും തെറ്റായ വിവരങ്ങള്‍ നല്‍കുന്നതുമാണെന്ന് ചൂണ്ടിക്കാട്ടി സാമൂഹിക പ്രവര്‍ത്തകനായ കോത ഉപേന്ദര്‍ റെഡ്ഡിയാണ് ഹൈദരാബാദിലെ അംബര്‍പേട്ട് പൊലീസില്‍ പരാതി നല്‍കിയത്.
പരസ്യത്തില്‍ പ്രത്യക്ഷപ്പെട്ടതിന് അല്ലു അര്‍ജുനെതിരെയും വ്യാജ വിവരങ്ങള്‍ പ്രചരിപ്പിക്കുന്നതിന് ശ്രീ ചൈതന്യ വിദ്യാഭ്യാസ സ്ഥാപനങ്ങള്‍ക്കെതിരെയുമാണ് പരാതി നല്‍കിയിരിക്കുന്നത്. ഇത്തരം തെറ്റിദ്ധരിപ്പിക്കുന്ന പരസ്യങ്ങള്‍ക്കെതിരെ നടപടിയെടുക്കണമെന്നാണ് അദ്ദേഹം പരാതിയില്‍ ആവശ്യപ്പെടുന്നത്.
നേരത്തെ ഒരു ഫുഡ് ഡെലിവറി ആപ്പ് വിപണനം ചെയ്തതിന് അല്ലു അര്ജുന് വിവാദം നേരിട്ടിരുന്നു. സര്‍ക്കാര്‍ ട്രാന്‍സിറ്റ് സേവനങ്ങളെ അവഹേളിച്ചുകൊണ്ട് ഒരു ബൈക്ക് ആപ്പ് പ്രമോട്ട് ചെയ്തതിനാണ് താരം നടപടി നേരിടേണ്ടി വന്നത്.
അതേസമയം, പുകയില പരസ്യത്തില്‍ അഭിനയിക്കുന്നതില്‍ നിന്നും താരം പിന്മാറിയതും വലിയ വാര്‍ത്തയായിരുന്നു. കോടികളുടെ വാഗ്ദാനം നല്‍കിയെങ്കിലും നിരസക്കുകയായിരുന്നു.
താന്‍ വ്യക്തിപരമായി പുകയില ഉല്‍പ്പന്നങ്ങള്‍ ഉപയോഗികാറില്ല എന്നും ആരോഗ്യത്തിന് ഹാനികരവും ആസക്തിയിലേക്കും നയിച്ചേക്കാവുന്ന ഇവയുടെ പരസ്യം കണ്ട് ആരാധകര്‍ ഉല്‍പ്പന്നം കഴിക്കാന്‍ തുടങ്ങണമെന്ന് ആഗ്രഹിക്കുന്നില്ലെന്നുമായിരുന്നു താരത്തിന്റെ പ്രതികരണം.
