Malayalam
ഏപ്രില്‍ 14 ന് ആ സര്‍പ്രൈസ് എത്തും; ‘മലൈകോട്ടൈ വാലിബന്റെ’ പുതിയ അപ്‌ഡേറ്റുമായി മോഹന്‍ലാല്‍
ഏപ്രില്‍ 14 ന് ആ സര്‍പ്രൈസ് എത്തും; ‘മലൈകോട്ടൈ വാലിബന്റെ’ പുതിയ അപ്‌ഡേറ്റുമായി മോഹന്‍ലാല്‍
മോഹന്‍ലാലിന്റേതായി പുറത്തെത്താന്‍ ആരാധകന്‍ കാത്തിരിക്കുന്ന ചിത്രമാണ് ‘മലൈകോട്ടൈ വാലിബന്‍’. ഇപ്പോഴിതാ ഈസ്റ്റര്‍ ദിനത്തില്‍ ഈ സിനിമയുടെ പുതിയ അപ്‌ഡേറ്റുമായി എത്തിയിരിക്കുകയാണ് മോഹന്‍ലാല്‍. ഏപ്രില്‍ 14ന് വരാന്‍ പോകുന്ന സര്‍െ്രെപസിനെ കുറിച്ചാണ് മോഹന്‍ലാല്‍ സോഷ്യല്‍ മീഡിയയില്‍ പങ്കുവച്ചിരിക്കുന്നത്.
ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ ഏപ്രില്‍ 14ന് എത്തുമെന്നാണ് മോഹന്‍ലാല്‍ അറിയിച്ചിരിക്കുന്നത്. ഈസ്റ്റര്‍ സ്‌പെഷ്യല്‍ ടൈറ്റില്‍ പോസ്റ്ററും താരം പങ്കുവച്ചിട്ടുണ്ട്. മോഹന്‍ലാല്‍ലിജോ ജോസ് പെല്ലിശേരി കോംമ്പോയില്‍ ഒരുങ്ങുന്ന മലൈകോട്ടൈ വാലിബന്‍ സിനിമയ്ക്കായി ഏറെ പ്രതീക്ഷയോടെയാണ് പ്രേക്ഷകര്‍ കാത്തിരിക്കുന്നത്.
രാജാസ്ഥാനിലെ വിവിധ സ്ഥലങ്ങളിലായാണ് വാലിബന്റെ ചിത്രീകരണം നടന്നത്. രാജസ്ഥാനില്‍ 77 ദിവസമാണ് ചിത്രീകരണം നടന്നത്. ഏപ്രില്‍ 5ന് ഷൂട്ടിംഗ് പൂര്‍ത്തിയായ വിവരം ലിജോ ജോസ് പെല്ലിശേരി സോഷ്യല്‍ മീഡിയയിലൂടെ അറിയിച്ചിരുന്നു. ഒരുപാട് ബുദ്ധിമുട്ടുള്ള സീക്വന്‍സുകള്‍ വരെ സിനിമയില്‍ ഉണ്ടായിരുന്നു എന്ന് സംവിധായകന്‍ തുറന്നു പറയുകയും ചെയ്തിട്ടുണ്ട്.
മറാഠി നടി സൊണാലി കുല്‍ക്കര്‍ണി, ഹരീഷ് പേരടി, ഹരിപ്രശാന്ത് വര്‍മ്മ, മണികണ്ഠന്‍ ആചാരി, സുചിത്ര നായര്‍, മനോജ് മോസസ്, ബംഗാളി നടി കഥ നന്ദി തുടങ്ങിയവരൊക്കെ ചിത്രത്തില്‍ അഭിനയിക്കുന്നുണ്ട്. ഷിബു ബേബി ജോണും ലിജോയും മോഹന്‍ലാലും ചേര്‍ന്നാണ് മലൈകോട്ടൈ വാലിബന്‍ നിര്‍മ്മിക്കുന്നത്.
