13 വര്‍ഷങ്ങള്‍ക്കുശേഷം മമ്മൂട്ടിയും നസ്രിയയും ഒരുമിച്ചൊരു ചിത്രം

മമ്മൂട്ടിയും നസ്രിയയും ഒരുമിച്ചുള്ളൊരു ചിത്രം സോഷ്യൽമീഡിയയിൽ വൈറലാവുകയാണ്. 2006-ൽ ബ്ലെസി സംവിധാനം ചെയ്ത ‘പളുങ്ക്’ എന്ന ചിത്രത്തിൽ മമ്മൂട്ടിയുടെ മകളായി നസ്രിയ അഭിനയിച്ചിപ്പോഴുള്ള ചിത്രവും മമ്മൂട്ടിയും നസ്രിയയും ഇപ്പോള്‍ ഫ്ലൈറ്റിലിരിക്കുന്ന ഒരു ചിത്രവും ചേര്‍ത്താണ് ആളുകള്‍ ഇവര്‍ ഒരുമിച്ചുള്ള പുതിയ ചിത്രത്തെ ആഘോഷമാക്കിയിരിക്കുന്നത്. 

പളുങ്കിൽ അഭിനയിക്കുമ്പോൾ നസ്രിയയ്ക്ക് 12 വയസ്സാണ് പ്രായം. ഇപ്പോള്‍ 25-ഉം. ശേഷം നിരവധി ചിത്രങ്ങളിൽ താരം നായികയാകുകയുണ്ടായി. വിവാഹശേഷം സിനിമയിൽ നിന്നും കുറച്ചുനാള്‍ വിട്ടുനിന്ന നസ്രിയ ഈയടുത്താണ് കൂടെ എന്ന ചിത്രത്തിലൂടെ തിരിച്ചുവരവ് നടത്തിയത്. തുടര്‍ന്ന് ട്രാൻസ് എന്ന ചിത്രത്തിലും അഭിനയിക്കുന്നുണ്ട്. 

ഒരു ഫ്ളൈറ്റ് യാത്രയ്ക്കിടെ യുവനടൻ ഗ്രിഗറി ജേക്കബെടുത്ത സെൽഫിയാണ് ഇപ്പോൾ സമൂഹമാധ്യമങ്ങളിൽ വൈറലായിക്കൊണ്ടിരിക്കുന്നത്. സെൽഫിയിൽ ഒരറ്റത്ത് മമ്മൂട്ടിയും നടുക്ക് നസ്രിയയും തൊട്ടടുത്ത് ഗ്രിഗറിയുമാണുള്ളത്. ഗ്രിഗറി തന്നെയാണ് ചിത്രം സമൂഹമാധ്യമങ്ങളിൽ പങ്കുവച്ചിരിക്കുന്നത്. ചിത്രത്തിന് വൻ സ്വീകാര്യതയാണ് ലഭിച്ചുകൊണ്ടിരിക്കുന്നത്. മമ്മൂട്ടിയുടെ പുതിയ ചിത്രമായ ഉണ്ടയിൽ മികച്ചൊരു വേഷം ഗ്രിഗറി അവതരിപ്പിക്കുന്നുമുണ്ട്. 

Gregory Jacobs selfie with Mammootty and Nazriya-nazim-goes-viral