കോളമ്പിയ സർവകലാശാലയിൽ നിന്ന് ബിരുദം സ്വന്തമാക്കി ജൂഹി ചൗളയുടെ മകൾ; നേട്ടത്തെ അഭിനന്ദിച്ച് ഷാരൂഖാൻ കുറിച്ചത് കണ്ടോ?

കോളമ്പിയ സർവകലാശാലയിൽ നിന്ന് ബിരുദം സ്വന്തമാക്കി നടി ജൂഹി ചൗളയുടെ മകൾ ജാൻവി മെഹ്ത. ‘കോളമ്പിയ ക്ലാസ്സ് 2023’ എന്നു കുറിച്ചാണ് മകൾ ബിരുദം നേടുന്ന ചിത്രം ജൂഹി ട്വിറ്ററിൽ പങ്കുവച്ചത്.

ഈ നേട്ടത്തെ അഭിനന്ദിച്ച് സോഷ്യൽ മീഡിയയിൽ കമന്റ് കുറിച്ചിരിക്കുകയാണ് ഷാരൂഖ് ഖാൻ. “ഇതു വളരെ നന്നായിട്ടുണ്ട്. അവൾ ഇവിടെ തിരിച്ചെത്തിയിട്ടു വേണം ഈ വിജയം ആഘോഷിക്കാൻ. ഇപ്പോൾ വളരെയധികം അഭിമാനം തോന്നുന്നു. ലവ് യൂ ജാൻസ്” എന്നാണ് ഷാരൂഖ് ട്വീറ്റിനു താഴെ കുറിച്ചത്.

ഐ പി എൽ ടീമായ കോൽക്കത്ത നൈറ്റ് റൈഡേഴ്സിന്റെ ഉടമകളാണ് ഷാരൂഖ് ഖാനും, ജൂഹിയും ഭർത്താവ് ജയ് മെഹ്തയും. ഡ്രീം അൺലിമിറ്റഡ് എന്ന നിർമാണ കമ്പനിയും മൂവരുടെയും ഉടമസ്ഥയിലുണ്ടായിരുന്നു

ഷാരൂഖിന്റെ മക്കളായ സുഹാനയും ആര്യനും കുറച്ചു നാളുകൾക്ക് മുൻപാണ് ബിരുദം നേടിയത്.
കാലിഫോർണിയയിലെ സർവകലാശാലയിൽ നിന്ന് ആര്യൻ ബിരുദം നേടിയപ്പോൾ ന്യൂയോർക്ക് സർവകലാശാലയിൽ നിന്നാണ് സുഹാന തന്റെ ഉന്നത വിദ്യാഭ്യാസം പൂർത്തിയാക്കിയത്.