ജോലിക്കാരുടെ പിറന്നാൾ ആഘോഷിച്ചു; കേക്ക് കൊടുത്തപ്പോൾ വേണ്ടെന്ന് പറഞ്ഞ് നിരസിച്ചു; ആലിയ ഭട്ടിനെതിരെ സോഷ്യല്‍ മീഡിയ

ബോളിവുഡിലെ ശ്രദ്ധേയയായ നടിയാണ് ആലിയ ഭട്ട്. സിനിമയ്ക്കു പുറമെ ആലിയ നടത്തുന്ന സാമൂഹിക ഇടപെടലുകളും ആളുകള്‍ക്കിടയില്‍ ചര്‍ച്ചയാവാറുണ്ട്.കഴിഞ്ഞ ദിവസം വീട്ടുജോലിക്കാരിയായ റാഷിദയുടെ ജന്മദിനം ആലിയയും സഹോദരി ഷഹീനും ചേര്‍ന്ന് ആഘോഷിച്ചിരുന്നു. റാഷിദ ആഘോഷത്തിന്റെ വീഡിയോ പങ്കുവെച്ചതോടെ വിമര്‍ശനങ്ങളാണ് ആലിയക്കെതിരെ ഉയരുന്നത്.

റാഷിദ കേക്ക് കട്ട് ചെയ്യുമ്‌ബോള്‍ പിന്നില്‍ നിന്നും ആലിയയും സഹോദരിയും ആശംസാഗാനം പാടി. പക്ഷെ റാഷിദ ഒരു കഷ്ണം കേക്ക് നീട്ടിയതും, താന്‍ ഡയറ്റിലാണെന്നും പറഞ്ഞ് ആലിയ അത് നിരസിച്ചു. ഇതാണ് സോഷ്യല്‍ മീഡിയയില്‍ വിമര്‍ശനങ്ങള്‍ക്ക് കാരണമായിരിക്കുന്നത്. എന്തൊരു ഡ്രാമയാണ് പാര്‍ട്ടികളില്‍ പോയി മദ്യപിക്കുന്നതിന് കുഴപ്പമില്ല കേക്ക് കഴിക്കുന്നതിനാണ് കുഴപ്പം, അവരുടെ സ്‌നേഹത്തില്‍ അല്‍പമെങ്കിലും കഴിക്കാമായിരുന്നു എന്നിങ്ങനെയാണ് സോഷ്യല്‍ മീഡിയയില്‍ കമന്റുകള്‍ നിറയുന്നത്.