ഇൻസ്റ്റാഗ്രാമിലൂടെ ആലിയ തൻ്റെ ഗർഭവാർത്ത പുറത്ത് വിട്ടു; പിന്നാലെ മറുപടിയുമായി അമ്മായിയമ്മ രംഗത്ത്; പിന്നെ സംഭവിച്ചത് ഇങ്ങനെ; രൺബീർ കപൂറിന്റെ ‘അമ്മ പറഞ്ഞതെന്താണെന്നോ?!

ബോളിവുഡ് താരങ്ങളായ ആലിയ ഭട്ടും രൺബീർ കപൂറും തങ്ങളുടെ കുടുംബത്തിലേക്ക് പുതിയ അതിഥിയെ വരവേൽക്കാനൊരുങ്ങുന്നു എന്ന വാർത്ത ഇന്നലെയായിരുന്നു പുറത്തുവിട്ടത്. വാർത്ത കേട്ടപ്പോൾ തന്നെ ആശംസകളും സന്തോഷവും പങ്കിട്ട് ആരാധകരും എത്തി.

അതേസമയം ഇപ്പോൾ ശ്രദ്ധ നേടുന്നത് ഗർഭ വാർത്ത പുറത്ത് വിട്ട ആലിയയോട് രൺബീറിൻ്റെ അമ്മ സോഷ്യൽ മീഡിയയിലൂടെ പറഞ്ഞ വാക്കുകളാണ്.

ഗർഭധാരണത്തെക്കുറിച്ച് മരുമകൾ ആലിയ ഭട്ട് ഇൻസ്റ്റാഗ്രാമിൽ പോസ്റ്റ് ചെയ്ത് മണിക്കൂറുകൾക്ക് ശേഷം അമ്മായിയമ്മ (രൺബീറിൻ്റെ അമ്മ) നീതു കപൂർ മകൻ രൺബീർ കപൂറിനും ആലിയയ്ക്കും അഭിനന്ദനങ്ങൾ അറിയിച്ചു കൊണ്ട് ഇൻസ്റ്റാഗ്രാമിൽ ചിത്രം പങ്കുവെച്ചിരുന്നു.

ഇരുവരുടെയും പ്രിയപ്പെട്ട ചിത്രം പങ്കുവെച്ചു കൊണ്ടാണ് നീതു കപൂർ ആശംസ നേർന്നിരിക്കുന്നത്. ദൈവം അനുഗ്രഹിക്കട്ടെ എന്നായിരുന്നു നീതു കപൂർ കുറിച്ചത്.

രണ്ട് ഹൃദയത്തിൻ്റെ ഇമോജികളും നീതു പോസ്റ്റിനൊപ്പം വെച്ചിരുന്നു. തനിക്ക് ഏറ്റവും ഇഷ്ടപ്പെട്ട ചിത്രമാണിതെന്ന് ആലിയ കമൻ്റായി കുറിച്ചിട്ടുണ്ട്. മരുമകളുടെ കമൻ്റിന് മറുപടി പറഞ്ഞും അമ്മായിയമ്മ എത്തി.

കൂടുതൽ സ്നേഹം എന്ന രീതിയിൽ കുറെ ഹൃദയ ഇമോജികൾ കമൻ്റിന് റിപ്ലേയായി പങ്കുവെക്കുകയായിരുന്നു നീതു ചെയ്തത്. നീതുവിൻ്റെ പോസ്റ്റിനു താഴെ നിരവധി കമൻ്റുകളാണ് എത്തുന്നത്. ദമ്പതികൾക്ക് ആശംസ അറിയിക്കുകയാണ് എല്ലാവരും.

നിരവധി താരങ്ങളുടെ അഭിനന്ദന സന്ദേശങ്ങളാൽ നിറഞ്ഞിരിക്കുകയാണ് നീതുവിൻ്റെ പോസ്റ്റിൻ്റെ കമൻ്റ് ബോക്സ്. “അഭിനന്ദനങ്ങൾ നീതു അമ്മായി എന്നാണ് സോനം കപൂർ കുറിച്ചത്. ഹൃത്വിക് റോഷൻ്റെ അമ്മ പിങ്കി റോഷൻ കുറിച്ചത് “വലിയ അഭിനന്ദനങ്ങൾ” എന്നാണ്. നീതു കപൂർ അഭിനയിച്ച് ഒടുവിൽ പുറത്തിറങ്ങിയ സിനിമയായ ജഗ്‌ജഗ്ഗ് ജീയോയിലെ സഹനടനായ അനിൽ കപൂറും ആശംസാ കമൻ്റുമായി എത്തിയിട്ടുണ്ട്.

താൻ ഗര്‍ഭിണിയാണെന്ന വിവരം ആലിയ തന്നെ ഇൻസ്റ്റഗ്രാമിലൂടെയാണ് പങ്കുവെച്ചത്. ഏപ്രിൽ 14നായിരുന്നു ആലിയയും രൺബീറും വിവാഹിതരായത്. ഏറെ നാൾ നീണ്ട പ്രണയത്തിനൊടുവിലാണ് ഇരുവരും ഒന്നിച്ചത്. ഇവരുടെ പ്രണയവും വിവാഹവുമൊക്കെ ബോളിവുഡ് ഏറെ ആഘോഷമായി ഏറ്റെടുത്തിരുന്നതാണ്. ഇപ്പോഴിതാ പുതിയ വിശേഷവും ഏവരും ഏറ്റെടുത്തിരിക്കുകയാണ്.

ആശുപത്രിയിൽ സ്കാനിംഗിനിടയിൽ രൺബീറിനോടൊപ്പമുള്ളൊരു ചിത്രം പങ്കുവെച്ച് ‘ഞങ്ങളുടെ കുഞ്ഞ് ഉടൻ വരാൻ പോകുന്നു’ എന്നായിരുന്നു ആലിയ ഇൻസ്റ്റഗ്രാമിൽ കുറിച്ചത്. അതോടൊപ്പം തന്നെ ഒരു സിംഹവും ഇണയും ചേര്‍ന്ന് സിംഹകുഞ്ഞിനെ ലാളിക്കുന്ന ചിത്രവും പങ്കിട്ടിരുന്നു. ആലിയയുടെ പോസ്റ്റ് നിമിഷങ്ങള്‍ക്കകമാണ് വൈറലായത്.

about alia bhatt