അന്ന് ദിലീഷേട്ടന്‍ ആരാണെന്ന് പോലും അറിയാതെയായിരുന്നു വര്‍ക്ക് ചെയ്തത്; എന്റെ ഇപ്പോഴത്തെ ആഗ്രഹം ഇതാണ്; തുറന്ന് പറഞ്ഞ് അപർണ്ണ ബാലമുരളി

ദിലീഷ് പോത്തൻ ചിത്രം മഹേഷിന്റെ പ്രതികാരത്തിലൂടെ അരങ്ങേറ്റം കുറിച്ച നടിയാണ് അപര്‍ണ്ണ ബാലമുരളി. മലയാളത്തിൽ നിന്നും തമിഴിൽ പോയി അഭിനയിക്കുന്ന അനവധി നടിമാരുണ്ട്. എന്നാൽ തമിഴിൽ ചെയ്തതെല്ലാം ഹിറ്റാക്കിയ നടിയാണ് അപർണ ബാലമുരളി. ഈ വർഷത്തെ നാഷണൽ അവാർഡ് തമിഴ് സിനിമയിലൂടെ നേടിയിരിക്കയാണ് ഇപ്പോൾ താരം. നടിയുടെ പുതിയ വിശേഷങ്ങൾ അറിയാം. സുധ കൊങ്കര ചിത്രം സൂരറൈ പോട്രിലൂടെയാണ് മികച്ച നടിക്കുള്ള ദേശീയ പുരസ്‌കാരം നേടിയത്

ഇപ്പോഴിതാ തനിക്ക് ദിലീഷ് പോത്തനൊപ്പം വീണ്ടും അഭിനയിക്കണമെന്ന ആഗ്രഹമുണ്ടെന്ന് തുറന്നുപറഞ്ഞിരിക്കുകയാണ് നടി.

എനിക്ക് ഇനിയും ദിലീഷേട്ടന്റെ കൂടെ വര്‍ക്ക് ചെയ്യണം എന്നാഗ്രഹമുണ്ട്. അന്ന് ദിലീഷേട്ടന്‍ ആരാണെന്ന് പോലും അറിയാതെയായിരുന്നല്ലോ വര്‍ക്ക് ചെയ്തത്. അദ്ദേഹത്തിന്റെ ഫിലിം മേക്കിങ് വളരെ വ്യത്യസ്തമായ ഒരു രീതിയിലാണ്. ഇനിയിപ്പോള്‍ അത് മനസ്സിലാക്കി കുറേക്കൂടി ആസ്വദിച്ച് അഭിനയിക്കണമെന്ന് തോന്നാറുണ്ട്,” അപര്‍ണ പറഞ്ഞു.

സുന്ദരി ഗാര്‍ഡന്‍സ്, മിണ്ടിയും പറഞ്ഞും എന്നീ ചിത്രങ്ങളാണ് അപര്‍ണയുടേതായി ഇനി പുറത്തിറങ്ങാനിരിക്കുന്നത്. ബിജു മേനോനൊപ്പമുള്ള ‘തങ്കം’, ഇനി ഉത്തരം എന്നീ സിനിമകളാണ് ഇനി ചെയ്യാനിരിക്കുന്ന പ്രോജക്ടുകള്‍.