Connect with us

നായകന്‍ മോഹന്‍ലാല്‍, വില്ലനായി പദ്മരാജന്‍,ആ സിനിമ യഥാര്‍ത്ഥ്യമായില്ല; കാരണം വെളിപ്പെടുത്തി ഡെന്നിസ് ജോസഫ്!

Malayalam

നായകന്‍ മോഹന്‍ലാല്‍, വില്ലനായി പദ്മരാജന്‍,ആ സിനിമ യഥാര്‍ത്ഥ്യമായില്ല; കാരണം വെളിപ്പെടുത്തി ഡെന്നിസ് ജോസഫ്!

നായകന്‍ മോഹന്‍ലാല്‍, വില്ലനായി പദ്മരാജന്‍,ആ സിനിമ യഥാര്‍ത്ഥ്യമായില്ല; കാരണം വെളിപ്പെടുത്തി ഡെന്നിസ് ജോസഫ്!

മലയാള സിനിമയുടെ സ്വന്തം ആയിരുന്നു മോഹൻലാലും പത്മരാജനുമൊക്കെ.മലയാള സിനിമയ്ക്കു നല്ല കഥാപാത്രങ്ങളും സിനിമകളും സമ്മാനിച്ചവർ.മോഹന്‍ലാലിന്റെ കരിയറില്‍ തന്നെ വന്‍വഴിത്തിരിവായ ചിത്രമാണ് 1986ല്‍ പുറത്തിറങ്ങിയ രാജാവിന്റെ മകന്‍. ചിത്രത്തിന്റെ തിരക്കഥാകൃത്ത് ഡെന്നിസ് ജോസഫ് ആയിരുന്നു.

ഇരുവരുമൊന്നിച്ച്‌ പിന്നീട് നമ്ബര്‍ 20 മദ്രാസ് മെയില്‍, അപ്പു, ഇന്ദ്രജാലം തുടങ്ങിയ ചിത്രങ്ങളും പിറന്നു. . എന്നാല്‍ അപ്പു എന്ന ചിത്രത്തിന് മുമ്ബ് മോഹന്‍ലാലിനെ നായകനാക്കി മറ്റൊരു വലിയ ചിത്രം താന്‍ പ്ളാന്‍ ചെയ്തിരുന്നതായി വെളിപ്പെടുത്തുകയാണ് ഡെന്നിസ് ജോസഫ്. സാക്ഷാല്‍ പദ്മരാജനായിരുന്നു ആ സിനിമയില്‍ ലാലിന്റെ വില്ലനാകുന്നത് എന്നതായിരുന്നു ഏറ്റവും വലിയ പ്രത്യേകത.

എന്നാല്‍ തിരക്കഥ പൂര്‍ത്തിയായിട്ടും ആ സിനിമ യഥാര്‍ത്ഥ്യമായില്ല. അങ്ങനെ സംഭവിച്ചിരുന്നുവെങ്കില്‍ ഒരുപക്ഷേ രാജാവിന്റെ മകനേക്കാള്‍ ഹിറ്റാകേണ്ടിയിരുന്ന ആ സിനിമയ്ക്ക് എന്തുസംഭവിച്ചു എന്ന് പറയുകയാണ് ഡെന്നിസ് ജോസഫ്.
‘പ്രസിദ്ധ സംഗീതജ്ഞരെ പീഡിപ്പിച്ചും തടവിലിട്ടും അവരെ മറ്റ് രീതിയില്‍ ബ്ളാക്ക് മെയില്‍ ചെയ്തും അവരുടെ സൃഷ്ടികള്‍ സ്വന്തമാക്കി വിജയിക്കുന്ന ഒരു ക്രിമിനല്‍ ജീനിയസിന്റെ കഥയാണ് ഞാന്‍ എഴുതിയത്. ആ റോളില്‍ ആരെ അഭിനയിപ്പിക്കും എന്ന് ആശങ്കയായി. അവസാനം ഒരാള്‍ മനസിലെത്തി. തീരുമാനം സെവന്‍ ആര്‍ട്സ് വിജയകുമാറിനോട് പറഞ്ഞു. വിജയകുമാറിനും സന്തോഷമായി. അദ്ദേഹം സമ്മതിക്കുമെങ്കില്‍ ഓകെ എന്നു പറഞ്ഞു. ഞാന്‍ മനസില്‍ കണ്ടത് പദ്മരാജനെയായിരുന്നു. അദ്ദേഹത്തെ കണ്ട് കാര്യം പറഞ്ഞപ്പോള്‍, പപ്പേട്ടന് ആദ്യം തമാശ തോന്നി പിന്നീട് സമ്മതിച്ചു.’

‘ഒരുദിവസം പപ്പേട്ടന്‍ എന്നെ വിളിച്ചു. എനിക്ക് രാത്രിയില്‍ കിടന്നിട്ട് ഉറക്കം വരുന്നില്ല. അഭിനയിക്കണം എന്ന് നീ പറഞ്ഞപ്പോള്‍ ആദ്യം സമ്മതിച്ചെങ്കിലും പിന്നെ ഒരു സിനിമയിലെ ഏറ്റവും പ്രധാനപ്പെട്ട റോള്‍ ആദി മധ്യാന്തം ഉള്ള ഒരു വില്ലന്‍ റോള്‍ അഭിനയിക്കുക എന്നു പറഞ്ഞാല്‍ പേടി തോന്നുന്നു. എന്നെ ഒഴിവാക്കണം എന്നു പറഞ്ഞു. ഞങ്ങള്‍ നിരാശരായി വേറെ ആളെ നോക്കാന്‍ തീരുമാനിച്ചു. എന്നാല്‍ ആ സിനിമ നടന്നില്ല. എന്റെ സിനിമയ്ക്ക് കുറച്ചുകൂടി വിപുലമായ സൗകര്യങ്ങള്‍ വേണം. അത്ര സൗകര്യം ഒരുക്കിയെടുത്ത് അമേരിക്കയില്‍ സിനിമ ചെയ്യാന്‍ നിര്‍മ്മാതാവിന്റെ സ്ഥിതിയും സന്നാഹവും പോരാതെ വന്നു. ആ പ്രോജക്‌ട് അങ്ങനെ ഉപേക്ഷിച്ചു’.- ഡെന്നിസ് ജോസഫ് ഓര്‍ക്കുന്നു.

about padmarajan and mohanlal

More in Malayalam

Trending