അമിതാഭ് ബച്ചൻ പങ്കുവെച്ച ആ പഴയ കാല ചിത്രം…

ബോളിവുഡിലെ താര ദമ്പതിമാരാണ് അമിതാഭ് ബച്ചനും ജയാ ബച്ചനും.ഇരുവരും ഒരുമിച്ച് ഒട്ടനവധി ചിത്രങ്ങൾ ചെയ്തിട്ടുണ്ട്.തന്റെ സിനിമാ വിശേഷങ്ങളും അതുപോലെ കുടുംബ വിശേഷങ്ങളും ബച്ചൻ ഒരുപോലെ സോഷ്യൽ മീഡിയയിൽ പങ്കുവെക്കാറുണ്ട്.ഇപ്പോളിതാ ഏറ്റവും പുതിയതായി ബച്ചൻ ട്വീറ്റ് ചെയ്തിരിക്കുന്നത് ജയാ ബച്ചന്റെ ഒരു പഴയ കാല ചിത്രമാണ്.എന്റെ നല്ല പകുതി എന്നാണ് അമിതാഭ് ബച്ചൻ ഫോട്ടോയ്‍ക്ക് അടിക്കുറിപ്പായിട്ട് എഴുതിയിരിക്കുന്നത്.

എന്നാൽ ചിത്രം എവിടെവെച്ച് എപ്പോ എടുത്തതാണെന്ന് ബച്ചൻ വ്യക്തമാക്കിയിട്ടില്ല.അമിതാഭ് ബച്ചൻ പാക്കുവെച്ച ഈ ചിത്രമാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്.നിരവധി കമെന്റുകളാണ് ചിത്രത്തിന് ലഭിക്കുന്നത്.

1973 ജൂണിലായിരുന്നു അമിതാഭ് ബച്ചനും ജയാ ബച്ചനും വിവാഹിതരായത്. ഷോലെ, അഭിമാൻ തുടങ്ങി ഒട്ടേറെ സൂപ്പര്‍ ഹിറ്റുകളില്‍ ഇരുവരും ഒന്നിച്ച് അഭിനയിച്ചിട്ടുണ്ട്. നിരവധി പരസ്യ ചിത്രങ്ങളിലും ഇവര്‍ ഒന്നിച്ച് അഭിനയിച്ചിട്ടുണ്ട്. കി ആൻഡ് ക എന്ന ചിത്രത്തിലാണ് ഇരുവരും ഏറ്റവും ഒടുവില്‍ ഒന്നിച്ച് അഭിനയിച്ചത്. അമിതാഭ് ബച്ചനും ജയാ ബച്ചനുമായിട്ടു തന്നെയായിരുന്നു ചിത്രത്തില്‍ താരങ്ങള്‍ എത്തിയത്. അതേസമയം ആദ്യമായി ഒരു തമിഴ് ചിത്രത്തില്‍ അഭിനയിക്കാൻ ഒരുങ്ങുകയാണ് അമിതാഭ് ബച്ചൻ. ഉയര്‍ന്ധ മനിതൻ എന്ന സിനിമയിലാണ് അമിതാഭ് ബച്ചൻ അഭിനയിക്കുന്നത്.

amitabh bachchan share jaya bachchan’s old pic