അതോടെ ഞാൻ എല്ലാ ബന്ധങ്ങളും അവസാനിപ്പിച്ച് , വീട്ടുകാരെ പോലും അകറ്റി – പരിനീതി ചോപ്ര

ബോളിവുഡ് താരങ്ങളായ ദീപിക പദുക്കോണും, ആലിയ ഭട്ടും തങ്ങള്‍ അനുഭവിച്ച ഡിപ്രഷനെ കുറിച്ച്‌ തുറന്ന് പറഞ്ഞിട്ടുണ്ട്. വിഷാദരോഗത്തിന്റെ പിടിയില്‍ താനും പെട്ടിരുന്നുവെന്ന് തുറന്നു പറയുകയാണ് ബോളിവുഡ് താരം പരിനീതി ചോപ്രയും.

ഒരു വെബ്ചാറ്റ് ഷോയിലാണ് താന്‍ അനുഭവിച്ചിരുന്ന മാനസിക അവസ്ഥയെ കുറിച്ച്‌ പരിനീതി തുറന്നു പറഞ്ഞത്. ഈ അവസ്ഥയില്‍ നിന്ന് കരകയറാന്‍ സഹോദരന്‍ സഹജാണ് പരിനീതിയെ സഹായിച്ചത്. സഹോദരിക്ക് വേണ്ട എല്ലാ പിന്തുണയുമായി സഹജ് കൂടെ നില്‍ക്കുകയായിരുന്നു.” ജീവിതത്തിലെ ഏറ്റവും മോശമായ കാലഘട്ടമായിരുന്നു അത്. 2014-15 സമയത്തായിരുന്നു അത്. ദാവാത് ഇ ഇഷ്‌ക്, കില്‍ ദില്‍ എന്നീ ചിത്രങ്ങള്‍ റിലീസ് ചെയ്ത സമയം.

എന്റെ ആദ്യ തിരിച്ചടി. ആ രണ്ടു ചിത്രങ്ങളും ഒന്നിനു പിറകെ ഒന്നായി റിലീസ് ചെയ്തു. ഞാന്‍ മാനസികമായി തകര്‍ന്നു. ഞാന്‍ എല്ലാവരുമായുള്ള ബന്ധങ്ങള്‍ അവസാനിപ്പിച്ചു. എന്റെ വീട്ടുകാരെ പോലും അകറ്റി നിര്‍ത്തി. ദിവസം മുഴുവന്‍ എന്റെ മുറിയില്‍ ചിലവഴിച്ചു. ടിവി കണ്ടും ഉറങ്ങിയും, പുറത്തേക്ക് തുറിച്ചു നോക്കിയിരുന്നും…ഞാന്‍ ഉദാസീനയായിരുന്നു. ദിവസവും പത്തു തവണയെങ്കിലും ഞാന്‍ കരയുമായിരുന്നു”- പരിനീതി പറയുന്നു.

parineeti chopra about depression