ബോളിവുഡിന്റെ താര റാണി ഇനി മുതൽ ബെന്‍സ് ജിഎല്‍ഇ ലക്ഷ്വറി എസ്‌യുവിയില്‍

ബോളിവുഡിന്റെ പ്രിയ നടിയാണ് കങ്കണ റണാവത്ത്. വളരെ ചുരുങ്ങിയ കാലം കൊണ്ട് തന്നെ തന്റേതായ വ്യക്തി മുദ്ര ഇന്ത്യൻ സിനിമയിൽ ഉറപ്പിച്ച നടിയാണ് കങ്കണ. ബോളിവുഡിൽ നിലപാടുകൾ ഉള്ള നടിയെന്നാണ് കങ്കണ അറിയപ്പെടുന്നത് തന്നെ. താരത്തിന്റെ ചുറ്റിപറ്റി എന്നും വിവാദങ്ങളും ഉടലെടുക്കാറുണ്ട്. ഇതിനു പുറമേ താരം ഒരു വാഹന പ്രേമി കൂടെയാണ്. ഇതായിപ്പോൾ മേഴ്‌സിഡസ് ബെന്‍സിന്റെ പുതിയ മോഡല്‍ കാര്‍ സ്വന്തമാക്കിയിരിക്കുകയാണ് നടി. ജര്‍മന്‍ വാഹന നിര്‍മാതാക്കളായ മെഴ്‌സിഡിസ് ബെന്‍സിന്റെ ജിഎല്‍ഇ ലക്ഷ്വറി എസ്‌യുവിയാണ് താരം സ്വന്തമാക്കിയിരിക്കുന്നത്. വെള്ള നിറത്തിലുള്ളതാണ് ഈ ജിഎല്‍ഇ.

എന്നാൽ , ജിഎല്‍ഇയുടെ ഏത് വേരിയന്റാണ് താരം സ്വന്തമാക്കിയതെന്ന് വ്യക്തമല്ല. മൂന്ന് വേരിയന്റുകളുള്ള ജിഎല്‍ഇക്ക് ഇന്ത്യന്‍ വിപണിയില്‍ 61 ലക്ഷം രൂപ മുതല്‍ 77 ലക്ഷം വരെയാണ് എക്‌സ്‌ഷോറൂം വില. നേരത്തെ ബിഎംഡബ്ല്യു 7 സീരീസ് സെഡാനാണ് കങ്കണ ഉപയോഗിച്ചിരുന്നത്.

2.1 ലിറ്റര്‍ ഡീസല്‍, 3.0 ലിറ്റര്‍ വി6 ഡീസല്‍, 3.0 ലിറ്റര്‍ വി6 പെട്രോള്‍ എന്നീ മൂന്ന് എന്‍ജിന്‍ ഓപ്ഷനാണ് കങ്കണ ഇപ്പോള്‍ വാങ്ങിയ ജിഎല്‍ഇ എസ്‌യുവിക്കുള്ളത്. മൂന്നിലും 9 സ്പീഡ് ഓട്ടോമാറ്റിക്കാണ് ട്രാന്‍സ്മിഷന്‍.

kankana ranauvat- brought new car