ആദ്യമായി നിർമിക്കുന്ന ചിത്രത്തിൽ കൂട്ടുകാരന് മൂന്നു നായികമാരെ നൽകി ദുൽഖർ സൽമാൻ !

ദുല്‍ഖര്‍ സല്‍മാന്‍ ആദ്യമായി നിര്‍മിക്കുന്ന ചിത്രത്തെ കുറിച്ചുള്ള കൂടുതല്‍ വിവരങ്ങള്‍ പുറത്തുവരികയാണ്. നിര്‍മാണ സംരംഭത്തിന്റെ പേരും ചിത്രത്തിന്റെ വിവരങ്ങളും ഉചിതമായ സമയത്ത് അറിയിക്കുമെന്നാണ് ദുല്‍ഖര്‍ പറഞ്ഞിട്ടുള്ളത്. എന്നാല്‍ ഇതിനകം ചിത്രത്തിന്റെ പേരും വിശദാംശങ്ങളും പുറത്തുവന്നിട്ടുണ്ട്.

ഗ്രിഗറി ജേക്കബ്ബ് നായകനാകുന്ന ചിത്രത്തില്‍ മൂന്ന് നായികമാകാണ് ഉള്ളത്. അനുസിതാര, നിഖിലാ വിമല്‍, അനുപമ പരമേശ്വരന്‍ എന്നിവര്‍ നായികമാരാകുന്നു. നവാഗതനായ ഷംസു സയ്ബയാണ് സംവിധാനം നിര്‍വഹിക്കുന്ന ചിത്രത്തിന് അശോകന്റെ ആദ്യരാത്രി എന്ന് പേര് നിശ്ചയിച്ചതായും റിപ്പോര്‍ട്ടുകളുണ്ട്. സജാദ് കക്കു ഛായാഗ്രഹണവും ശ്രീഹരി കെ നായര്‍ സംഗീതവും നിര്‍വഹിക്കുന്നു. 

ദുല്‍ഖറിന്റെ അടുത്ത സുഹൃത്താണ് ഗ്രിഗറി. അണിയറയിലും അഭിനയത്തിലും നിരവധി പുതുമുഖങ്ങള്‍ ചിത്രത്തിനായി അണിനിരക്കുന്നുണ്ട്. ദുല്‍ഖര്‍ ചിത്രത്തില്‍ അതിഥി വേഷത്തില്‍ എത്തുമെന്നും സൂചനയുണ്ട്. കഴിഞ്ഞ ദിവസം നടന്ന പൂജ ചടങ്ങില്‍ ദുല്‍ഖര്‍ ഭാര്യ അമാലിനൊപ്പമാണ് എത്തിയത്. സണ്ണി വെയ്ന്‍, വിജയ രാഘവന്‍, ഗ്രിഗറി, ശേഖര്‍ മേനോന്‍ തുടങ്ങിയവര്‍ ചടങ്ങിനെത്തിയിരുന്നു.

3 heroines for jacob gregory’s movie produced by dulquer salmaan