ഹോളിവുഡ്ഡ് ചിത്രങ്ങളെ വെല്ലുന്ന ഗെറ്റപ്പിൽ മോഹൻലാൽ !! വിസ്മയിപ്പിക്കാൻ മരക്കാർ ഒരുങ്ങുന്നു….

ഹോളിവുഡ്ഡ് ചിത്രങ്ങളെ വെല്ലുന്ന ഗെറ്റപ്പിൽ മോഹൻലാൽ !! വിസ്മയിപ്പിക്കാൻ മരക്കാർ ഒരുങ്ങുന്നു….

പ്രിയദർശന്റെ സംവിധാനത്തിൽ മോഹൻലാൽ നായകനായെത്തുന്ന ബ്രഹ്മാണ്ഡ ചിത്രം മരക്കാർ അറബിക്കടലിന്റെ സിംഹത്തിന്റെ ലൊക്കേഷൻ ചിത്രങ്ങൾ പുറത്ത്. ഹോളിവുഡ് ചിത്രങ്ങളെ വെല്ലുന്ന രീതിയിലാണ് സിനിമയൊരുക്കുന്നതെന്ന് മുൻപ് തന്നെ വാർത്തകൾ വന്നിരുന്നു. ഇന്ത്യയിലെ ഏറ്റവും മികച്ച കലാസംവിധായകനും മലയാളിയുമായ സാബു സിറിലാണ് ചിത്രത്തിനായി സെറ്റുകൾ ഒരുക്കുന്നത്.

100 കോടി ബജറ്റിലാണ് ചിത്രം ഒരുങ്ങുന്നതത്രേ. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ, സി.ജെ റോയ് എന്നിവർ ചേർന്നാണ് ചിത്രം നിർമ്മിക്കുന്നത്. വലിയ പ്രതീക്ഷയാണ് ചിത്രത്തിൽ ആരാധകർക്കൊക്കെ ഉള്ളത്. മുൻപ് മമ്മൂട്ടിയെ നായകനാക്കി സന്തോഷ് ശിവൻ കുഞ്ഞാലിമരക്കാർ എന്ന ചിത്രം ചെയ്യുമെന്ന് പറഞ്ഞിരുന്നുവെങ്കിലും അത് നടന്നില്ല. അത് കൊണ്ട് തന്നെ മമ്മൂട്ടി ആരാധകർ പോലും ഈ മോഹൻലാലിൻറെ മരക്കാരിനായി കാത്തിരിക്കുകയാണ്.

ചിത്രത്തിന്റെ ചില ലൊക്കേഷൻ ചിത്രങ്ങൾ ഇപ്പോൾ ലീക്ക് ആയിട്ടുണ്ട്. മുൻപ് സിദ്ധീക്കിന്റെ ഒരു ചിത്രം പുറത്തു വന്നിരുന്നു. മോഹൻലാൽ മരക്കാരിന്റെ വേഷത്തിലുള്ള ഫോട്ടോക്കായി ആരാധകർ കട്ട കാത്തിരിപ്പിൽ ആയിരുന്നു. ഇപ്പോഴിതാ അതും പുറത്തു വന്നിരിക്കുന്നു.

Marakkar: Arabikadalinte Simham Location Pics Leaked