കാവ്യ മാധവന്റെ പിതാവ് പി മാധവൻ അന്തരിച്ചു

നടി കാവ്യ മാധവന്റെ പിതാവ് പി മാധവൻ(75) അന്തരിച്ചു. ചെന്നൈയിൽ വെച്ചാണ് അന്ത്യം സംഭവിച്ചത്. കാസർകോഡ് നീലേശ്വരം പള്ളിക്കര കുടുംബാംഗമായ മാധവൻ സുപ്രിയ ടെക്സ്റ്റൈൽസ് ഉടമയാണ്.

സംസ്കാരം പിന്നീട് കൊച്ചിയിൽ നടക്കും എന്നാണ് വിവരം. ഭാര്യ: ശ്യാമള. മകൻ: മിഥുൻ (ഓസ്ട്രേലിയ). മരുമക്കൾ: റിയ (ഓസ്ട്രേലിയ), നടൻ ദിലീപ്.

സിനിമയിലേയ്ക്ക് അരങ്ങേറ്റം കുറിച്ച് അന്ന് മുതൽ കാവ്യയ്ക്ക് പിന്തുണ നൽകി ഒപ്പമുണ്ടായിരുന്നത് പി മാധവനായിരുന്നു. കാവ്യയ്ക്കൊപ്പം വേദികളിലും സിനിമാസെറ്റുകളിലും സജീവസാന്നിധ്യമായിരുന്നു അദ്ദേഹം. പല അഭിമുഖങ്ങളിലും കാവ്യ അച്ഛൻ നൽകിയ പിന്തുണയെ കുറിച്ച് വാചാലയായിട്ടുണ്ട്.