‘കാന്താര ചാപ്റ്റർ 1’ വരുന്നു; റിലീസ് തീയതി പ്രഖ്യാപിച്ച് ഋഷഭ് ഷെട്ടി

കന്നഡയിൽ നിന്നെത്തി അപ്രതീക്ഷിത വിജയം കൈവരിച്ച ചിത്രമാണ് കാന്താര. ചിത്രത്തിന്റെ രണ്ടാം ഭാ​ഗത്തിനായുള്ള ​കാത്തിരിപ്പിലാണ് പ്രേക്ഷകർ. ഇപ്പോൾ ആരാധകരെ ഒന്നടങ്കം ആവേശത്തിലാക്കിക്കൊണ്ട് ചിത്രത്തിൻറെ രണ്ടാം ഭാഗം റിലീസ് പ്രഖ്യാപിച്ചിരിക്കുകയാണ്. ‘കാന്താര ചാപ്റ്റർ 1’ എന്ന് പേര് നൽകിയിരിക്കുന്ന ചിത്രം 2025 ഒക്ടോബർ 2ന് ആഗോള റിലീസായി തിയേറ്ററുകളിലെത്തും.

നടനും, സംവിധായകനുമായ ഋഷഭ് ഷെട്ടിയാണ് ഈ വിവരം പ്രേക്ഷകരുമായി പങ്കുവെച്ചത്. പ്രീക്വലായിട്ടാണ് ഋഷഭ് ഷെട്ടി കാന്താരയുടെ തുടർച്ച ഒരുക്കുന്നത്. ചിത്രത്തിൻറെ നിർമാതാക്കളായ ഹോംബാലെ ഫിലിംസും പോസ്റ്റർ പങ്കുവെച്ചിട്ടുണ്ട്. ചിത്രത്തിൽ ഋഷഭിനൊപ്പം വമ്പൻ താരനിരയാണ് അണിനിരക്കുന്നത്.

നടൻ ജയറാമും മോഹൻലാലും പ്രധാന വേഷത്തിലത്തുന്നുവെന്ന് വിവരമുണ്ട്. എന്നാൽ ഔദ്യോ​ഗിക സ്ഥിരീകരണമൊന്നും വന്നിട്ടില്ല. കാ​ന്താ​ര​ 2​ ​മൂ​ന്നാം​ ​ഷെ​ഡ്യൂ​ൾ​ ​ക​ർ​ണാ​ട​ക​യി​ലെ​ ​കു​ന്ദാ​പു​ര​ത്ത് ​പു​രോ​ഗ​മി​ക്കു​ന്നുണ്ട്.​ ​തു​ട​ർ​ച്ച​യാ​യി​ 60​ ​ദി​വ​സം​ ​നീ​ണ്ടു​നി​ൽ​ക്കു​ന്ന​ ​വ​ലി​യ​ ​ഷെ​ഡ്യൂ​ളാ​ണ്.​ ​ആ​ക്ഷ​ൻ​ ​രം​ഗ​ങ്ങ​ൾ​ക്ക് ​പ്രാ​ധാ​ന്യം​ ​ന​ൽ​കു​ന്ന​ ​ഈ​ ​ഷെ​ഡ്യൂ​ളി​നാ​യി​ ​ഋ​ഷ​ഭ് ​കു​തി​ര​സ​വാ​രി​യും​ ​ക​ള​രി​പ്പ​യ​റ്റും​ ​പ​രി​ശീ​ലി​ച്ചിരുന്നു.

കാന്താരയുടെ ആദ്യ ഭാഗം 2022 സെപ്‍തംബറിലായിരുന്നു പ്രദർശനത്തിനെത്തിയത്. പതിവുപോലെ സാധാരണ ഒരു കന്നഡ ചിത്രമായിട്ടാണ് കാന്താര എത്തിയതെങ്കിലും പെട്ടെന്ന് രാജ്യമൊട്ടെ ശ്രദ്ധയാകർഷിക്കുന്ന തരത്തിൽ മാറുകയായിരുന്നു. റെക്കോർഡുകൾ ഭേദിച്ചാണ് കാന്താര മുന്നേറിയത്.