ആക്ഷേപ​ഹാസ്യവുമായി ഉപ്പും മുളകും എന്ന പരമ്പരയിലൂടെ ശ്രദ്ധ നേടിയ സതീഷ് തൻവി; ഷൂട്ടിം​ഗ് ആരംഭിച്ചു!; പ്രധാന വേഷത്തിൽ അൽത്താഫ് സലിമും ജോമോൻ ജ്യോതിറും അനാർക്കലി മരയ്ക്കാറും

ഉപ്പും മുളകും എന്ന പരമ്പരയിലൂടെയും മറ്റ് നിരവധി ടി.വി.ഷോകളിലൂടെയും ശ്രദ്ധയാകർഷിച്ച സതീഷ് തൻവിയുടെ പുതിയ ചിത്രത്തിൻ്റെ ചിത്രീകരണം ആരംഭിച്ചു. കൊച്ചിയിലാണ് ചിത്രീകരണം ആരംഭിച്ചിരിക്കുന്നത്. അൽത്താഫ് സലിം, വാഴ എന്ന ചിത്രത്തിലൂടെ പ്രേക്ഷകർക്കിടയിൽ ശ്രദ്ധേയനായ ജോമോൻ ജ്യോതിർ, അനാർക്കലി മരയ്ക്കാർ എന്നിവരാണ് കേന്ദ്ര കഥാപാത്രമായി എത്തുന്നത്.

സർക്കാർ ഉദ്യോഗസ്ഥനായ ഒരു യുവാവിൻ്റെ ജീവിതത്തിലൂടെയാണ് കഥ കടന്ന് പോകുന്നത്. നമ്മുടെ ജീവിതത്തിലെ ചില അനുഭവങ്ങൾ തികഞ്ഞ ആക്ഷേപഹാസ്യത്തിലൂടെ അവതരിപ്പിക്കുകയാണ് ഈ ചിത്രത്തിലൂടെ. പൊതു സമൂഹത്തിൽ നാം ഓരോരുത്തർക്കും
ഓരോ പ്രശ്നങ്ങളെ അഭിമുഖീകരിക്കേണ്ടി വരുന്നുണ്ട്.

എന്നാൽ അവയിൽ പലതിനേയും നാം ഗൗരവമായി കാണാതെ പോകുന്നു. അല്ലങ്കിൽ കണ്ണടക്കുന്നു. അത്തരമൊരു സാഹചര്യം ഒരു യുവാവിൻ്റെ ജീവിതത്തിൽ ഉണ്ടാക്കുന്ന താളപ്പിഴകളും, അതിനു കാരണമായ വ്യവസ്ഥതകൾക്കെതിരേയുള്ള അയാളുടെ പോരാട്ടത്തിൻ്റെയും കഥയാണ് ഈ സിനിമയിലൂടെ പറയുന്നത്.

എലമെൻ്റ്സ് ഓഫ് സിനിമയുടെ ബാനറിൽ എം. ശ്രീരാജ് എ..കെ.ഡിയാണ് ചിത്രത്തിന്റെ നിർമാണം. അജയ് വാസുദേവ്, ജി മാർത്താണ്ഡൻ, ഡിക്സൻ പൊടുത്താസ് എന്നിവരാണ് എക്സിക്കുട്ടീവ് പ്രൊഡ്യൂസർമാർ. അസീസ് നെടുമങ്ങാട്, അന്ന പ്രസാദ് തുടങ്ങിയവരും ചിത്രത്തിലുണ്ട്.
ഷിഹാബ് കരുനാഗപ്പള്ളിയുടെ കഥയ്ക്ക് ഷിഹാബ്, സർജി വിജയൻ, സംവിധയകൻ സതീഷ് തൻവി എന്നിവർ ചേർന്നാണ് തിരക്കഥ രചിച്ചിരിക്കുന്നത്.

സംഗീതം – മണികണ്ഠൻ അയ്യപ്പൻ, ഛായാഗ്രഹണം – നിഖിൽ. എസ്. പ്രവീൺ, എഡിറ്റിംഗ് – മഹേഷ് ദുവനേന്ദ്, കോസ്റ്റ്യും – ഡിസൈൻ. ഡോണ മറിയം ജോസഫ്., മേക്കപ്പ് – സുധി ഗോപിനാഥ്., കലാസംവിധാനം – മധു രാഘവൻ., ചീഫ് അസ്സോസ്സിയേറ്റ് ഡയറക്ടർ – സുമിലാൽ സുബ്രമണ്യൻ മാർക്കറ്റിംഗ് ഹെയ്ൻസ്., പ്രൊഡക്ഷൻ കൺട്രോളർ – സുരേഷ് മിത്രക്കരി എന്നിവരാണ് മറ്റ് അണിയറപ്രവർത്തകർ.