ഗായകനും സം​ഗീത സംവിധായകനുമായ ഈ താരത്തെ മനസ്സിലായോ?

സം​ഗീത സംവിധായകനും ​ഗായകനുമായ ഒരു താരത്തിന്റെ കുട്ടിക്കാല ചിത്രം സോഷ്യൽ മീഡിയയിൽ വൈറൽ. ആള് മറ്റാരുമല്ല ​മലയാള സിനിമയിൽ ഒട്ടനവധി ഹിറ്റ് പാട്ടുകൾ സമ്മാനിച്ച ​ഗോപി സുന്ദറിന്റേതാണ് ഫോട്ടോയാണിത്

അദ്ദേഹം തന്നെയാണ് തന്റെ സോഷ്യൽ മീഡിയ ഹാൻഡിലിലൂടെ ഫോട്ടോ പങ്കുവച്ചിരിക്കുന്നത്. ഒപ്പം ഉസ്താദ് ഹോട്ടലിലെ മ്യൂസിക്കും ഉൾപ്പടെയുത്തിയിട്ടുണ്ട്. നിരവധി പേരാണ് ഫോട്ടോയ്ക്ക് കമന്റുകളുമായി എത്തുന്നത്. ‘എന്തൊരു മാറ്റം, ആളെ മനസിലാകുന്നതേ ഇല്ലല്ലോ, ഇത് ​ഗോപി സുന്ദർ ആണെന്ന് മനസിലാക്കാനേ കഴിയുന്നില്ല’, എന്നിങ്ങനെ പോകുന്നു കമന്റുകൾ. താൻ തന്നെയാണ് ചിത്രത്തിലുള്ളതെന്ന് ​ഗോപി സുന്ദർ തന്നെ പറയുകയും ചെയ്യുന്നുണ്ട്.

ടെലിവിഷൻ പരസ്യങ്ങൾക്ക് സംഗീതം ഒരുക്കി കൊണ്ടാണ് ​ഗോപി സുന്ദർ തന്റെ കരിയർ ആരംഭിക്കുന്നത്. ഒരു കീബോർഡിസ്റ്റ് എന്ന നിലയിൽ അദ്ദേഹം സംഗീതസംവിധായകരായ വിശാൽ-ശേഖർ ഉൾപ്പെടെ നിരവധി സംഗീത സംവിധായകരുമായി സഹകരിച്ചിട്ടുണ്ട്. ദേശീയ ചലച്ചിത്ര അവാർഡ്, കേരള സംസ്ഥാന ചലച്ചിത്ര അവാർഡ്, രണ്ട് ഫിലിംഫെയർ അവാർഡുകൾ സൗത്ത് എന്നിവയുൾപ്പെടെ സൗണ്ട് ട്രാക്ക് ആൽബങ്ങൾക്കും ചലച്ചിത്ര സ്കോറുകൾക്കും നിരവധി അംഗീകാരങ്ങൾ ​ഗോപി സുന്ദറിനെ തേടി എത്തി.

മലയാളത്തിന് പുറമെ തമിഴ്, തെലുങ്ക് ഫിലിം ഇന്റസ്ട്രികളിലും മികച്ച പാട്ടുകൾ സമ്മാനിച്ച ആളാണ് ​ഗോപി സുന്ദർ. അതേസമയം, പേഴ്സണല്‍ ലൈഫുമായി ബന്ധപ്പെട്ട് വന്‍ തോതില്‍ വിമര്‍ശനങ്ങളും ട്രോളുകളും ഗോപി സുന്ദറിന് നേരിടേണ്ടി വന്നിട്ടുണ്ട്. ഇത്തരത്തില്‍ വരുന്ന പരിഹാസ കമന്‍റുകള്‍ക്ക് പലപ്പോഴും കുറിക്ക് കൊള്ളുന്ന മറുപടി കൊടുക്കാറുമുണ്ട് ഗോപി.