
News
വിജയിയോടുള്ള ആരാധന.., വാരിസിനായി ഒരു രൂപ പോലും പ്രതിഫലം വാങ്ങാതെ ചിമ്പു
വിജയിയോടുള്ള ആരാധന.., വാരിസിനായി ഒരു രൂപ പോലും പ്രതിഫലം വാങ്ങാതെ ചിമ്പു
Published on

തെന്നിന്ത്യയില് നിരവധി ആരാധകരുള്ള താരമാണ് വിജയ്. സോഷ്യല് മീഡിയയിലെല്ലാം വളരെപ്പെട്ടെന്നാണ് അദ്ദേഹത്തിന്റെ വിശേഷങ്ങള് വൈറലായി മാറുന്നത്. ഇപ്പോഴിതാ വിജയുടെ പുത്തന് ചിത്രമായ ‘വാരിസി’ലെ ‘തീ ദളപതി’ എന്ന ഗാനം ഇതിനോടകം തന്നെ ഹിറ്റ് ചാര്ട്ടുകളില് ഇടം നേടി കഴിഞ്ഞിരിക്കുകയാണ്.
എസ് തമന്റെ സംഗീതത്തില് ഒരുങ്ങിയ ഗാനം പാടിയത് നടന് ചിമ്പുവാണ്. ഈ ഗാനത്തെക്കുറിച്ചുള്ള പുതിയ റിപ്പോര്ട്ടുകളാണ് ഇപ്പോള് ചര്ച്ചയാകുന്നത്. ‘തീ ദളപതി’ ഗാനം പാടുവാനായി ചിമ്പു പ്രതിഫലം വാങ്ങിയില്ലെന്നാണ് റിപ്പോര്ട്ടുകള് പറയുന്നത്. വിജയിയോടുള്ള ആരാധനയും തമനുമായുള്ള സൗഹൃദവും മൂലമാണ് ചിമ്പു പ്രതിഫലം നിരസിച്ചത്.
സിനിമയുടെ ഓഡിയോ ലോഞ്ചില് വെച്ച് വിജയ് തന്നെയാണ് ഇക്കാര്യം അറിയിച്ചത്. തനിക്കായി ഈ ഗാനം ആലപിച്ചതിന് വിജയ് നടനോട് നന്ദി പറയുകയും ചെയ്തു. പൊങ്കല് റിലീസായി 2023 ജനുവരിയിലാണ് വാരിസ് തിയേറ്ററുകളില് എത്തുക.’മഹര്ഷി’ സംവിധായകന് വംശി പൈഡിപ്പള്ളിയാണ് വാരിസ് സംവിധാനം ചെയ്യുന്നത്.
വളര്ത്തച്ഛന്റെ മരണത്തെത്തുടര്ന്ന് കോടിക്കണക്കിന് ഡോളര് ബിസിനസ്സ് സാമ്രാജ്യത്തിന് ഉടമയാകുന്ന വിജയ് രാജേന്ദ്രന് എന്ന കഥാപാത്രത്തെയാണ് വിജയ് സിനിമയില് അവതരിപ്പിക്കുന്നത്. ശരത് കുമാറാണ് നടന്റെ അച്ഛനായി എത്തുന്നത്. ശ്രീ വെങ്കടേശ്വര ക്രിയേഷന്സിന്റെ ബാനറില് ദില് രാജുവും ശിരീഷും ചേര്ന്നായിരിക്കും ചിത്രത്തിന്റെ നിര്മ്മാണം.
സിനിമയില് ഒരു പ്രധാന കഥാപാത്രമായി എസ് ജെ സൂര്യയും എത്തുന്നുണ്ട്. വിജയ്യും എസ് ജെ സൂര്യയും ഒന്നിക്കുന്ന നാലാമത്തെ ചിത്രമാണ് ‘വാരിസ്’. രശ്മിക മന്ദാനയാണ് നായിക. പൂജ ഹെഗ്ഡെ, കിയാര അദ്വാനി ഉള്പ്പെടെയുള്ളവരെ വിജയ് ചിത്രത്തിനായി പരിഗണിച്ചെങ്കിലും ഒടുവില് രശ്മികയെ തെരഞ്ഞെടുക്കുകയായിരുന്നു എന്നാണ് റിപ്പോര്ട്ട്. പ്രഭു, ജയസുധ, ശരത്കുമാര്, ഖുശ്ബു, ശ്രീകാന്ത്, ഷാം, സംഗീത കൃഷ്, സംയുക്ത, യോഗി ബാബു തുടങ്ങിയവരും ചിത്രത്തില് പ്രധാന താരങ്ങളാണ്.
കഴിഞ്ഞ കുറച്ച് ദിവസങ്ങളായി നടൻ ശിവകാർത്തികേയനും വെങ്കട് പ്രഭുവും ഒന്നിക്കുന്നു എന്ന വാർത്ത സമൂഹ മാധ്യമങ്ങളിൽ വൈറലായിരുന്നു. ടൈം ട്രാവൽ ചിത്രത്തിനായി...
പ്രേക്ഷകർക്കേറെ സുപരിചിതയായ നടിയാണ് സുഹാസിനി. ഇപ്പോഴിതാ നടിയെ കുറിച്ച് നടൻ പാർത്ഥപൻ പറഞ്ഞ വാക്കുകളാണ് വൈറലായി മാറുന്നത്. ‘വെർഡിക്റ്റ്’ എന്ന ചിത്രത്തിന്റെ...
സീരിയൽ താരങ്ങളുടെ സംഘടനയായ ആത്മയുടെ ഇരുപതാമത് ജനറൽ ബോഡി മീറ്റിങ് നടന്നു. തിരുവനന്തപുരം എസ് പി ഗ്രാൻഡ് ഡേയ്സ് ഹോട്ടലിൽ വെച്ചായിരുന്നു...
ഉലകനായകൻ കമൽ ഹാസൻ ചിത്രമായ തഗ്ഗ് ലൈഫിന്റെ കർണാടകയിലെ റിലീസ് പ്രതിസന്ധിയിൽ തന്നെ തുടരുന്നു. സിനിമയുടെ റിലീസിനെതിരെ ചിലർ രംഗത്തെത്തിയിരുന്നു. ഇതേ...
ഉണ്ണി മുകുന്ദൻ തന്നെ മർദിച്ചെന്നു ആരോപിച്ച് കുറച്ച് ദിവസങ്ങൾക്ക് മുമ്പായിരുന്നു മുൻ മാനേജർ രംഗത്ത് എത്തിയരുന്നത്. ടൊവിനോ തോമസ് ചിത്രം നരിവേട്ടയ്ക്ക്...