സംവിധായകന്റേ പേരില്‍ വ്യാജ അക്കൗണ്ടുകള്‍ സൃഷ്ടിച്ച് യുവതികളുടെ നഗ്‌നചിത്രങ്ങള്‍ ആവശ്യപ്പെട്ട സോഫ്റ്റ്‌വെയര്‍ എന്‍ജിനീയര്‍ അറസ്റ്റില്‍

പ്രമുഖ സിനിമ സംവിധായകന്‍ ശ്രീരാം രാഘവന്റെ പേരില്‍ വ്യാജ ഇന്‍സ്റ്റഗ്രാം, ഫേസ്ബുക്ക് അക്കൗണ്ടുകളുണ്ടാക്കി സിനിമയില്‍ അവസരം തേടുന്ന യുവതികളുടെ നഗ്‌നചിത്രങ്ങള്‍ ആവശ്യപ്പെട്ട സോഫ്റ്റ്‌വെയര്‍ എന്‍ജിനീയര്‍ അറസ്റ്റില്‍.

തമിഴ്‌നാട്ടിലെ തിരുച്ചെങ്ങോടുനിന്നും ഷണ്‍മുഖ തങ്കവേലിനെയാണ് മുംബൈ പൊലീസ് അറസ്റ്റ് ചെയ്തത്.

പുതിയ വെബ് സീരിസിലേക്ക് യുവതികളെ ആവശ്യമുണ്ടെന്നും ഓഡിഷനിലെ ഫോട്ടോഷൂട്ടില്‍ അര്‍ധ നഗ്‌ന ചിത്രങ്ങളെടുക്കാന്‍ തയാറാകേണ്ടിവരുമെന്നുമായിരുന്നു സോഷ്യല്‍ മീഡിയ ചാറ്റിലൂടെ പ്രതി പറഞ്ഞത്.

സംശയം തോന്നി യുവതികള്‍ വിളിച്ചപ്പോഴാണ് ശ്രീരാം രാഘവന്‍ വിവരമറിയുന്നത്. തുടര്‍ന്ന്, അദ്ദേഹം മുംബൈയിലെ ഓശീവാര പൊലീസില്‍ പരാതി നല്‍കുകയായിരുന്നു.