മലയോര സ്ഥലങ്ങളിലാണ് ആത്മാവുള്ള കഥാപാത്രങ്ങളുള്ളത്; ഒരു രാഷ്ട്രീയ നേതാവിനെ അറസ്റ്റ് ചെയ്തപ്പോൾ അദ്ദേഹത്തിന്റെ വീട്ടുകാരിയുടെ പ്രതികരണം നമ്മൾ കണ്ടതാണ്, അത്രയും ശക്തമായ ക്യാരക്ടറുകളാണ് അവിടെയുള്ളത്; ഷാജി കൈലാസ് പറയുന്നു !

പൃഥ്വിരാജ് പ്രൊഡക്ഷന്‍സും ലിസ്റ്റിന്‍ സ്റ്റീഫന്റെ മാജിക് ഫ്രെയിംസും നിർമിച്ച കടുവ വലിയ രീതിയിലുള്ള വിമർശനങ്ങൾ നേരിട്ടിരുന്നു . ആദം ജോണ്‍ എന്ന ചിത്രത്തിന്റെ സംവിധായകനും ലണ്ടന്‍ ബ്രിഡ്ജ്, മാസ്റ്റേര്‍സ് എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് കടുവയുടെ രചന നിര്‍വഹിച്ചിരിക്കുന്നത്.ഷാജി കൈലാസ് പൃഥ്വിരാജ് കൂട്ടുകെട്ടിൽ പുറത്തിറങ്ങിയ ചിത്രം ഏറെ ചർച്ച ചെയ്യപ്പെട്ടു . ചിത്രത്തിൽ പൃഥ്വിരാജ് കടുവാക്കുന്നേല്‍ കുര്യച്ചൻ എന്ന കഥാപാത്രത്തെയാണ് അവതരിപ്പിച്ചത്. അടിയും ഇടിയും മാസ് സീനുകളും വരുന്ന ചിത്രമായിരുന്നു ഇത്.

കടുവയിലെ കടുവാക്കുന്നേല്‍ കുര്യച്ചൻ എന്ന കഥാപാത്രം ഏറെ ആഘോഷിക്കപ്പെട്ടിരുന്നു. ആ കഥാപാത്ര അവതരണത്തെ കുറിച്ച് പറയുകയാണ് ഷാജി കൈലാസ് ഇപ്പോൾ. കാൻചാനൽ മീഡിയക്ക് നൽകിയ അഭിമുഖത്തിൽ സംസാരിക്കുകയായിരുന്നു അദ്ദേഹം.മലയോര സ്ഥലങ്ങളിലാണ് ആത്മാവുള്ള കഥാപാത്രങ്ങളുള്ളതെന്നും സ്ത്രീകളുടെ ശക്തമായ പിൻബലത്തോടുകൂടിയാണ് ഈ ക്യാരക്ടറുകൾ വളരുന്നതെന്നുമാണ് അദ്ദേഹം പറഞ്ഞത്.

‘മലയോര സ്ഥലങ്ങളിലാണ് ആത്മാവുള്ള കഥാപാത്രങ്ങളുള്ളത്. ശക്തമായ ആൺ കഥാപാത്രങ്ങളുള്ളത് അവിടെയാണ്. അതെ പോലെ അവരുടെ വീട്ടിലെ പെണ്ണുങ്ങളും സ്ട്രോങ്ങാണ്. ഒരു രാഷ്ട്രീയ നേതാവിനെ അറസ്റ്റ് ചെയ്തപ്പോൾ അദ്ദേഹത്തിന്റെ വീട്ടുകാരിയുടെ പ്രതികരണം നമ്മൾ ഈ ഇടക്ക് കണ്ടു.

അത്രയും ശക്തമായ ക്യാരക്ടറുകളാണ് അവിടെയുള്ളത്.സ്ത്രീകളുടെ ശക്തമായ പിൻബലത്തോടുകൂടിയാണ് ഈ ക്യാരക്ടറുകൾ വളരുന്നത്. അവിടെയൊക്കെ നമ്മൾ ഇക്വാളിറ്റി കൊടുക്കണം. അതുകൊണ്ടാണല്ലോ ആണുങ്ങൾ ഇത്ര ശക്തരാകുന്നത്. ആ പെൺ ബലമുള്ളതുകൊണ്ടാണ്,’ ഷാജി കൈലാസ് പറഞ്ഞു.