ദില്‍ഷയുടെ ജീവിതം അടിമുടി മാറി ; ഡി ഫോര്‍ ഡാന്‍സിന്റെ ലേബല്‍ ഇനി ആവശ്യമില്ല, ഇന്‍സ്റ്റഗ്രാമില്‍ ദില്‍ഷ പേര് മാറ്റി ; മാറ്റിയ പുതിയ പേര് എന്താണ് അറിയാമോ ?
മഴവില്‍ മനോരമയില്‍ സംപ്രേഷണം ചെയ്ത ഡിഫോര്‍ ഡാന്‍സ് എന്ന പരിപാടിയിലൂടെയാണ് ദില്‍ഷ ശ്രദ്ധിക്കപ്പെട്ടത്.
ഡാന്‍സ് പ്രകടനം കൊണ്ടും ഷോയില്‍ അവതാരകരും വിധികര്‍ത്താക്കളും തമാശയ്ക്ക് അടിച്ചിറക്കുന്ന ഗോസിപ്പുകള്‍ കാരണവും ദില്‍ഷ പെട്ടന്ന് തന്നെ നോട്ടീസ് ചെയ്യപ്പെട്ടു. ഡി ഫോറിലെ ദില്‍ഷ എന്നായിരുന്നു പിന്നീട് താരത്തിന്റെ ഐഡന്റിറ്റി. അതുകൊണ്ട് തന്നെ ഇന്‍സ്റ്റഗ്രാമിലെ ഡി4 ദില്‍ഷ എന്ന് പ്രൊഫൈല്‍ നെയിം ആയി ഇട്ടു. എന്നാല്‍ ഇപ്പോള്‍ അത് മാറ്റിയിരിക്കുകയാണ് താരം
ബിഗ്ഗ് ബോസില്‍ ഒന്ന് പോയി വന്നപ്പോഴേക്കും ദില്‍യുടെ ജീവിതം അടിമുടി മാറിയിരിയ്ക്കുകയാണ്. ഡി ഫോറില്‍ ഉണ്ടായിരുന്ന ദില്‍ഷ എന്നതല്ല, മലയാളത്തിലെ ആദ്യത്തെ ലേഡി ബിഗ്ഗ് ബോസ് എന്നതാണ് ഇപ്പോള്‍ ദില്‍ഷയുടെ ഐഡന്റിറ്റി. മാത്രവുമല്ല, അത്തരം ഒരു വിശേഷണവും ഇല്ലാതെ തന്നെ ദില്‍ഷ പ്രസന്നന്‍ എന്ന് പറഞ്ഞാല്‍ ആരാണ് എന്ന് മനസ്സിലാകും വിധം വളര്‍ച്ചയും നേടിയെടുക്കാന്‍ താരത്തിന് സാധിച്ചു. അതുകൊണ്ട് ഇന്‍സ്റ്റഗ്രാമിലെ പ്രൊഫൈല്‍ നെയിം മാറ്റി.
ഒരു പേര് അടയാളപ്പെടുത്താന്‍ വേണ്ടിയാണല്ലോ എല്ലാവരും പ്രശസ്തരാവുന്നത്. അതിന് ചെയ്ത ഷോയുടെ ആവശ്യം ഇല്ലല്ലോ, ദില്‍ഷ അത് നേടിയെടുത്തു, ഇപ്പോള്‍ ദില്‍ഷയുടെ പ്രൊഫൈല്‍ നെയിം, ദില്‍ഷ പ്രസന്നന്‍ എന്നാണ്. അച്ഛന്റെ ഐഡന്റിറ്റിയില്‍ അറിയപ്പെടാന്‍ ദില്‍ഷ തീരുമാനിച്ചു. പ്രൊഫൈല്‍ പിക്ചര്‍ മാറ്റിയത് ബിഗ്ഗ് ബോസിലേക്ക് കയറിയപ്പോഴാണ്. ഇപ്പോഴും ബിഗ്ഗ് ബോസില്‍ കയറുമ്പോള്‍, വേദിയില്‍ മൈക്കും പിടിച്ച് നില്‍ക്കുമ്പോഴുള്ള ഫോട്ടോ തന്നെയാണ് പ്രൊഫൈല്‍ പിക്ചര്‍.
പേര് മാറ്റിയ വിവരം ഇന്‍സ്റ്റഗ്രാം സ്റ്റോറിയിലൂടെ ദില്‍ഷ അറിയിച്ചിരുന്നു. ബിഗ്ഗ് ബോസിലേക്ക് പോകുന്നതിന് മുന്‍പും തന്റെ ഡാന്‍സ് വീഡിയോതളും മറ്റുമൊക്കെയായി ഇന്‍സ്റ്റഗ്രാമില്‍ സജീവമായിരുന്നു ദില്‍ഷ. ഇപ്പോള്‍ സമയം കിട്ടുമ്പോള്‍ എല്ലാം തന്റെ വ്യക്തി ജീവിതത്തിലെ സന്തോഷങ്ങളും സങ്കടങ്ങളും പങ്കെടുക്കുന്ന പരിപാടികളുടെ വിവരങ്ങളും എല്ലാം പങ്കുവയ്ക്കുന്നുണ്ട്. എന്തായാലും ബിഗ്ഗ് ബോസിലേക്ക് പോയതോടെ സബ്‌സ്‌ക്രൈബേഴ്‌സിന്റെ എണ്ണം കൂടി. ഏഴ് ലക്ഷത്തിന് അടുത്ത് ഫോളോവേഴ്‌സ് ആണ് ദില്‍ഷയ്ക്ക് ഇന്‍സ്റ്റഗ്രാമില്‍ ഉള്ളത്.
ഡി ഫോര്‍ ഡാന്‍സിന് ശേഷം പടം പൂര്‍ത്തിയാക്കി ജോലി നേടിയ ദില്‍ഷ ബാഗ്ലൂരിലെ സ്വകാര്യ കമ്പനിയില്‍ എച്ച് ആര്‍ ഡിപ്പാര്‍ട്‌മെന്റില്‍ ജോലി ചെയ്യുകയാണ്. എന്നാല്‍ തന്റെ പ്രൊഫഷന്‍ ഇതല്ല, മീഡിയ ഫീല്‍ഡ് തന്നെയാണ് എന്ന് തിരിച്ചറിഞ്ഞ ദില്‍ തിരിച്ചെത്തി ബിഗ്ഗ് ബോസില്‍ പങ്കെടുക്കുകയായിരുന്നു. സിനിമ നടി ആകണം എന്നത് തന്നെയാണ് ദില്‍ഷയുടെ ആഗ്രഹം. ബിഗ്ഗ് ബോസിന് ശേഷം ചില തിരക്കഥകള്‍ വന്നു എന്നും താരം പറഞ്ഞിരുന്നു.
