റോബിനെ ഞെട്ടിച്ച് ലാലേട്ടന്റെ ഫേസ്ബുക്ക് പോസ്റ്റ്! ആർത്തിരമ്പി ജനക്കൂട്ടം പുതിയ ചുവടുകൾക്ക് മഹാനടന്റെ അനുഗ്രഹം; ആശംസാപ്രവാഹവുമായി മലയാളികൾ

ബിഗ് ബോസിലൂടെ മലയാളികളുടെയാകെ മനം കവർന്നിരിക്കുകയാണ് ഡോക്ടർ റോബിൻ രാധാകൃഷ്ണൻ. ഷോയിൽ നിന്ന് അപ്രതീക്ഷിതമായി പുറത്തുപോകേണ്ടി വന്നെങ്കിലും ജനമനസുകളിൽ വിജയി റോബിൻ തന്നെയാണ്. ബിഗ് ബോസിന് പുറത്തുവന്നിട്ടും റോബിന് വൻ ആരാധക പിന്തുണയാണുള്ളത്. ഫോട്ടോഷൂട്ടുകളും ചാനൽ പരിപാടികളുമൊക്കെയായി തിരക്കിലാണ് റോബിൻ. ഇപ്പോഴിതാ റോബിന്റെ ആരാധകർക്ക് ഏറെ സന്തോഷം നൽകുന്ന ഒരു വാർത്തയാണ് പുറത്തുവരുന്നത്

റോബിൻ രാധാകൃഷ്ണന്‍ നായകനായി സിനിമ വരുന്നു. പ്രമുഖ നിർമാതാവ് സന്തോഷ് ടി. കുരുവിളയുടെ പതിനാലാമത്തെ പ്രോജക്ടിലാണ് റോബിൻ നായകനായി എത്തുന്നത്. നടൻ മോഹൻലാൽ ആണ് സമൂഹമാധ്യമങ്ങളിലൂടെ ഇക്കാര്യം പുറത്തുവിട്ടത്. അഭിനയരംഗത്തേയ്ക്കു ചുവടുവയ്ക്കുന്ന റോബിന് എല്ലാവിധ ആശംസകളും മോഹൻലാൽ നേർന്നു. ലാലേട്ടന്റെ പോസ്റ്റ് നിമിഷം നേരം കൊണ്ടാണ് വൈറലായി മാറിയത്

‘ഡോ. റോബിൻ രാധാകൃഷ്ണൻ മികച്ച പ്രതിഭ തന്നെയാണ്. ചെറിയ ഒരു കാലം കൊണ്ട് അദ്ദേഹത്തിന് ഏറെ ആരാധകരെ നേടാൻ കഴിഞ്ഞു എന്നതും ചെറിയ കാര്യമല്ല. സിനിമ വേറൊരു തട്ടകമാണ്. കഴിവും നിരന്തര പരിശ്രമവും ഉള്ളവർ ഉയർന്ന് വരിക തന്നെ ചെയ്യും. ന്യൂജെൻ എന്നത് എല്ലാ ഘട്ടത്തിലും ഉണ്ടായി കൊണ്ടിരിയ്ക്കും. തീർച്ചയായും പുതു തലമുറയെ പ്രോത്സാഹിപ്പിച്ചും കണ്ടെത്തിയും മാത്രമേ വിനോദ വ്യവസായത്തിന് മുൻപോട്ട് പോകാനാവൂ.’–നിർമാതാവ് സന്തോഷ് ടി. കുരുവിള പറഞ്ഞു.

മഹേഷിന്റെ പ്രതികാരം, നാരദൻ, ആൻഡ്രോയ്ഡ് കുഞ്ഞപ്പൻ, ആർക്കറിയാം എന്നീ സിനിമകളുടെ നിർമാതാവാണ് സന്തോഷ് ടി. കുരുവിള.

ഈ സീസണില്‍ ഏറ്റവും ജനപ്രീതി നേടിയ മത്സരാര്‍ഥികളിൽ ഒരാളാണ് റോബിൻ. ഫൈനല്‍ ഫൈവ് പ്രതീക്ഷ നിലനിര്‍ത്തിയ റോബിന് പക്ഷേ ബിഗ് ബോസിന്‍റെ അച്ചടക്ക നടപടിയെത്തുടര്‍ന്ന് ഷോ പൂര്‍ത്തിയാക്കാന്‍ ആയില്ല. സഹമത്സരാര്‍ഥിയായ റിയാസ് സലിമിനെ ശാരീരികമായി കൈയേറ്റം ചെയ്‍തതായിരുന്നു നടപടിക്ക് കാരണം.