എല്ലാ മുന്‍കരുതല്‍ നടപടികളും മാര്‍ഗ്ഗനിര്‍ദ്ദേശങ്ങളും പാലിച്ചിട്ടും, തനിക്ക് കോവിഡ് പോസിറ്റീവ് ആയി; നടി ശബാന ആസ്മിയ്ക്ക് കോവിഡ് സ്ഥിരീകരിച്ചു

നിരവധി ആരാധകരുള്ള മുതിര്‍ന്ന നടിയാണ് ശബാന ആസ്മി. ഇപ്പോഴിതാ നടിയ്ക്ക് കൊവിഡ് സ്ഥിരീകരിച്ചു എന്നുള്ള വാര്‍ത്തയാണ് പുറത്ത് വരുന്നത്. കഴിഞ്ഞ രണ്ട് ദിവസങ്ങളില്‍ നടിയുമായി ബന്ധപ്പെട്ട എല്ലാവരും മുന്‍കരുതല്‍ എടുക്കണമെന്നും പരിശോധനയ്ക്ക് വിധേയമാകണമെന്നും അഭ്യര്‍ത്ഥിച്ചു.

ശബാന ആസ്മി തന്റെ സോഷ്യല്‍ മീഡിയ പ്രൊഫൈലിലൂടെയാണ് ഈ വാര്‍ത്ത സ്ഥിരീകരിച്ചത്. എല്ലാ മുന്‍കരുതല്‍ നടപടികളും മാര്‍ഗ്ഗനിര്‍ദ്ദേശങ്ങള്‍ പാലിച്ചിട്ടും, തനിക്ക് പോസിറ്റീവ് ആയെന്നും, ഇപ്പോള്‍ വീട്ടില്‍ നിരീക്ഷണത്തിലാണെന്നും നടി അറിയിച്ചു.

അതേസമയം കരണ്‍ ജോഹര്‍ സംവിധാനം ചെയ്ത് ധര്‍മ്മ പ്രൊഡക്ഷന്‍സും വിയാകോം 18 സ്റ്റുഡിയോസും ചേര്‍ന്ന് നിര്‍മ്മിച്ച റോക്കി ഔര്‍ റാണി കി പ്രേം കഹാനി എന്ന റൊമാന്റിക് സിനിമയുടെ തിരക്കിലാണ് ശബാന ആസ്മി. ധര്‍മ്മേന്ദ്ര, ജയ ബച്ചന്‍, രണ്‍വീര്‍ സിംഗ്, ആലിയ ഭട്ട് എന്നിവരും ചിത്രത്തില്‍ അഭിനയിക്കുന്നു.