ഒറ്റ ഷോട്ടില്‍ ഒരു സൈക്കോ ത്രില്ലര്‍, പേര് പോലെ തന്നെ സിനിമയും ഷൂട്ടിംഗും ‘105 മിനിറ്റ്’; താന്‍ ത്രില്ലിലാണെന്ന് ഹന്‍സിക

പുതിയ പരീക്ഷണത്തിനൊരുങ്ങി തെലുങ്ക് സിനിമാ ലോകം. ഒറ്റ ഷോട്ടില്‍ ഒരു സൈക്കോ ത്രില്ലര്‍. 105 മിനിട്ട് എന്ന് പേരിട്ടിരിയ്ക്കുന്ന ചിത്രത്തില്‍ ഹന്‍സിക മോട്‌വാണി മാത്രമാണ് കഥാപാത്രമായി ഉള്ളത്.

ഞാന്‍ വളരെ ത്രില്ലിലാണെന്ന് ഹന്‍സിക പറയുന്നു. സിനിമയുടെ ഭാഗമാകുന്നതില്‍ വളരെ അധികം ആകാംക്ഷയും സന്തോഷവും ഉണ്ട്. ഇത്തരമൊരു സൈക്കോ ത്രില്ലര്‍ തെലുങ്ക് സിനിമയില്‍ ഇതാദ്യമായാണ്.

ഒറ്റ ഷോട്ടിലാണ് സിനിമ മുഴുവന്‍ സംഭവിയ്ക്കുന്നത്. പേരില്‍ പറയുന്നത് പോലെ 105 മിനിട്ട് മാത്രമാണ് സിനിമ, 105 മിനിട്ട് കൊണ്ട് ചിത്രീകരിച്ച് കഴിയുകയും ചെയ്യും. ഇത് റിയല്‍ ആയിട്ടുള്ള റീല്‍ ആണെന്നാണ് ഹന്‍സിക പറയുന്നത്.

ചിത്രത്തിന്റെ കഥയെ കുറിച്ച് ചോദിച്ചപ്പോള്‍, ഒരു വീടിനകത്ത് പെട്ടുപോകുന്ന പെണ്ണിന്റെ കഥയാണ്. അതില്‍ കൂടുതല്‍ ഒന്നും സിനിമയെ കുറിച്ച് പറയാന്‍ പറ്റില്ല. സസ്പെന്‍സാണ് എല്ലാം. മെയ് 3 ന് സിനിമ ചിത്രീകരിയ്ക്കാനാണ് ഇപ്പോള്‍ തീരുമാനിച്ചിരിയ്ക്കുന്നത് എന്നും ഹന്‍സിക പറഞ്ഞു.