മലൈക പാര്‍ട്ടിയില്‍ തിളങ്ങിയത് ലക്ഷങ്ങള്‍ വിലയുള്ള വസ്ത്രത്തില്‍; ബോളിവുഡില്‍ ചര്‍ച്ചാ വിഷയം

ഫിറ്റ്‌നസിന്റെ കാര്യത്തില്‍ മാത്രമല്ല ഫാഷന്റെ കാര്യത്തിലും വിട്ടുവീഴ്ച്ച ചെയ്യാത്ത താരമാണ് നടി മലൈക അറോറ. താരത്തിന്റെ ഏറ്റവും പുതിയ ഫാഷന്‍ സ്റ്റേറ്റ്‌മെന്റ് ആണ് ഇപ്പോള്‍ ബോളിവുഡിലെ ചര്‍ച്ചാവിഷയം.

കഴിഞ്ഞ ദിവസം സഹോദരി അമൃത അറോറയുടെ വീട്ടില്‍ സംഘടിപ്പിച്ച പാര്‍ട്ടിക്ക് എത്തിയപ്പോള്‍ മലൈക ധരിച്ച വസ്ത്രമാണ് ഇപ്പോള്‍ ഹിറ്റായി മാറിയിരിക്കുന്നത്.

സാന്റ ലുക്കിലാണ് നാല്‍പത്തിയേഴുകാരിയായ മലൈക പാര്‍ട്ടിക്കെത്തിയത്. സാറ്റിന്‍ റെഡ് ജേഴ്‌സി ജാക്കറ്റും ഷോര്‍ട്ട്‌സുമായിരുന്നു മലൈക്കയുടെ വേഷം.

ആഡംബര ഫാഷന്‍ ബ്രാന്‍ഡായ ഗൂച്ചിയുടെ കലക്ഷനില്‍ നിന്നുള്ളതാണ് മലൈകയുടെ ഈ ഡ്രസ്. ഏകദേശം 1.5 ലക്ഷം ഇന്ത്യന്‍ രൂപയാണ് വസ്ത്രത്തിന്റെ വില.

ചുവന്ന നിറത്തിലുള്ള മാസ്‌കും സില്‍വര്‍ സ്ലിങ്ങ് ബാഗും ഗോള്‍ഡ് സ്ട്രാപ് വാച്ചുമായിരുന്നു മറ്റ് ആക്‌സസറികള്‍. പാര്‍ട്ടിയില്‍ മലൈകയുടെ കാമുകനും നടനുമായ അര്‍ജുന്‍ കപൂര്‍, കരണ്‍ ജോഹര്‍, കരീഷ്മ കപൂര്‍, മനീഷ് മല്‍ഹോത്ര എന്നിവരും പങ്കെടുത്തിരുന്നു.

മുംബൈയില്‍ പോലീസ് നിര്‍ദ്ദേശിച്ചിരിക്കുന്ന കോവിഡ് മാനദണ്ഡങ്ങള്‍ ലംഘിച്ചായിരുന്നു പാര്‍ട്ടി നടത്തിയത്. ഇത് വാര്‍ത്തയായിരുന്നു.