ചൂടെണ്ണയിൽ കടുകിട്ട പോലത്തെ വരവ്; ഒടുവിൽ പുറത്തേക്ക് ബൈ മിഷേൽ .. നോബിയുടെ ആ കാര്യത്തില്‍ ആശങ്കയുണ്ട്; അശ്വതി

മിനിസ്‌ക്രീന്‍ പ്രേക്ഷകര്‍ക്ക് സുപരിചിതയായി മാറിയ അഭിനേത്രിയാണ് അശ്വതി. ബിഗ് ബോസിലെ ഓരോ എപ്പിസോഡുകളും മുടങ്ങാതെ കാണുകയും അത് വിലയിരുത്തികൊണ്ട് അശ്വതി എത്താറുണ്ട് . ഫേസ്ബുക്ക് പോസ്റ്റിലൂടെയായാണ് താരം അഭിപ്രായം രേഖപ്പെടുത്താറുള്ളത്. ഇക്കുറി മിഷേലിനെക്കുറിച്ചും പുതിയ ക്യാപ്റ്റനായ നോബിയെക്കുറിച്ചുമുള്ള കുറിപ്പുമായാണ് അശ്വതി എത്തിയിരിക്കുന്നത്

വൈല്‍ഡ് കാര്‍ഡ് എന്‍ട്രിയിലൂടെ ഷോയിലേക്കെത്തിയ മിഷേൽ ആയിരുന്നു കഴിഞ്ഞ ദിവസം പുറത്തേക്ക് പോയ മത്സരാർത്ഥി. മിഷേലിന്റെ വരവ് ഒന്നൊന്നര വരവായിരുന്നുവെങ്കിലും തുടക്കത്തിലെ പ്രതീക്ഷ നിലനിര്‍ത്താന്‍ താരത്തിന് കഴിഞ്ഞില്ലെന്നും പുറത്തേക്ക് വരാനുള്ള കാരണമായി ഇത് മാറിയെന്നും അശ്വതി പറയുന്നു

ഫേസ്ബുക്ക് പോസ്റ്റിന്റെ പൂര്‍ണ്ണരൂപം ഇങ്ങനെയാണ്:

ബൈ മിഷേൽ, ചൂടെണ്ണയിൽ കടുകിട്ട പോലത്തെ വരവ് ആരുന്നു. അത് മെയ്‌ന്റൈൻ ചെയ്യാൻ സാധിക്കാതെ പോയി. എന്തായാലും നല്ലൊരു ഭാവി ഉണ്ടാകട്ടെ. എല്ലാവിധ ആശംസകളും. നോബി ചേട്ടൻ ക്യാപ്റ്റൻ ആയി,ആരെയും വെറുപ്പിക്കാൻ ഇഷ്ടമില്ലാതെ സേഫ് ഗെയിം കളിക്കുന്ന നോബിചേട്ടൻ എങ്ങനെ ഈ വീക്ക്‌ കൊണ്ടുപോകുമെന്ന് കണ്ടറിയാം. എന്തായാലും പുതിയ കണ്ടെന്റ് ഉരുവായിട്ടുണ്ട് സന്ധ്യയുടെ ബ്ലൗസ് . ഈ ആഴ്ചത്തെ വൈരാഗ്യത്തിന് ഒള്ള കാരണമായി. കാണാം എന്തായി തീരുമെന്ന്, ഇങ്ങനെയായിരുന്നു അശ്വതി കുറിച്ചത്.