വിവാഹസൽക്കാരത്തിൽ പൃഥ്വിരാജ് ധരിച്ച ടീഷര്‍ട്ട്… ബ്രിട്ടീഷ് ലക്ഷ്വറി ഫാഷന്‍ ബ്രാന്‍ഡുകളില്‍ ഒന്ന്; വില കേട്ടതോടെ കണ്ണ് തള്ളി സോഷ്യൽ മീഡിയ

പൃഥ്വിരാജ് കഴിഞ്ഞ ദിവസം പങ്കുവെച്ച ചിത്രത്തിന് പിന്നാലെയാണ് ഇപ്പോൾ സോഷ്യൽ മീഡിയ. നടനും സംവിധായകനുമായ നാദിര്‍ഷയുടെ മകളുടെ വിവാഹസത്ക്കാരത്തിന് എത്തിയപ്പോള്‍ താരം ധരിച്ച ടീഷർട്ടാണ് കാരണം. ടീഷര്‍ട്ടിന്റെ ബ്രാന്റും വിലയും കണ്ടെത്തിയിരിക്കുകയാണ് ആരാധകര്‍.

ബര്‍ബെറി ഇംഗ്ലണ്ടിന്റെ ലോഗോ ടേപ്പ് പോളോ ഷര്‍ട്ടാണ് താരം അണിഞ്ഞിരിക്കുന്നത്. 44,000 രൂപയ്ക്ക് മുകളിലാണ് ഇതിന്റെ വില. ബ്രിട്ടീഷ് ലക്ഷ്വറി ഫാഷന്‍ ബ്രാന്‍ഡുകളില്‍ ഒന്നാണ് ബര്‍ബെറി. ലോകത്തെ തന്നെ ഏറ്റവും മികച്ച പത്ത് ലക്ഷ്വറി ബ്രാന്‍ഡുകളില്‍ ഒന്നായാണ് ഫാഷന്‍ പ്രേമികള്‍ ബര്‍ബറിയെ വിശേഷിപ്പിക്കുന്നത്.

നേരത്തെ മമ്മൂട്ടി ധരിച്ചിരുന്ന വാച്ചിനും മോഹന്‍ലാലിന്റെ ഷര്‍ട്ടിനും പിന്നാലെ ആയിരുന്നു ആരാധകര്‍. മമ്മൂട്ടിയുടെ ഫോട്ടോഷൂട്ട് ചിത്രങ്ങളില്‍ ശ്രദ്ധിക്കപ്പെട്ട വാച്ച് ജര്‍മ്മന്‍ കമ്പനിയായ ‘എ. ലാങ്കെ ആന്‍ഡ് സോനെ’യുടെ വാച്ചാണ് ഇതെന്നാണ് സോഷ്യല്‍ മീഡിയ കണ്ടെത്തിയത്. 50 ലക്ഷം രൂപയാണ് ഇതിന്റെ വില.