ഒമ്പത് വർഷത്തെ ഒത്തുചേരൽ… ഞാൻ നിങ്ങളെ വളരെയധികം ആരാധിക്കുന്നു; വിവാഹവാർഷികം ആഘോഷമാക്കി ധന്യയും ജോണും!

ജോൺ ധന്യ മേരി വർഗീസ് ദമ്പതികളെ ദമ്പതികളെ അറിയാത്ത മലയാളി പ്രേക്ഷകർ ഉണ്ടാകില്ല. സ്‌ക്രീനിൽ ഒരുമിച്ചു നിന്നശേഷമാണ് ജീവിതത്തിലേക്ക് ഇരുവരും കടക്കുന്നത്. ഇപ്പോൾ ഇതാ ഇരുവരുടെയും ഒൻപതാം വിവാഹവാർഷികത്തിന്റെ സന്തോഷം പങ്കുവെച്ച് എത്തിയിരിക്കുകയാണ്

പരസ്പരം സ്നേഹിക്കാനും, ജീവിക്കാനും, കട്ടക്ക് കൂടെ നിൽക്കാനും തുടങ്ങിയിട്ട് ഇന്നേക്ക് 9 വർഷം ആയി എന്നാണ് പോസ്റ്റിലൂടെ ജോൺ പറയുന്നത്. എത്രവർഷങ്ങൾ ഒരുമിച്ചു ജീവിച്ചു എന്നതിൽ അല്ല, ഓരോ ദിവസവും ഞാൻ എത്രമാത്രം നിന്നെ സ്നേഹിക്കുന്നു എന്നതിൽ ആണ് കാര്യം എന്നും ജോൺ വ്യക്തമാക്കി.

സമയം എത്ര വേഗത്തിൽ പറക്കുന്നുവെന്ന് ഞാൻ മനസിലാക്കുന്നു. ഞങ്ങൾ വിവാഹിതരായത് ഇന്നലെയാണെന്ന് തോന്നുന്നു. ഒമ്പത് വർഷത്തെ ഒത്തുചേരൽ . ഞാൻ നിങ്ങളെ വളരെയധികം ആരാധിക്കുന്നു. വാർഷിക ആശംസകൾ എന്നാണ് ധന്യ പോസ്റ്റിലൂടെ പറയുന്നത്. ഇരുവർക്കും ആശംസകൾ നേർന്നുകൊണ്ട് നിരവധി ആളുകൾ ആണ് രംഗത്ത് എത്തുന്നത്.

ഇടവേളയ്ക്ക് ശേഷം കുടുംബസദസ്സുകളുടെ സീതയായാണ് ധന്യ മേരി വർഗീസ് മാറിയത്, അഭിയായി അനുരാഗത്തിലൂടെയാണ് അഭിനയത്തിലേക്ക് ജോൺ ജേക്കബ് മടങ്ങി എത്തിയത്.