മമ്മൂട്ടിയ്ക്ക് പിറന്നാളാശംസകളുമായി പിണറായി വിജയന്‍

മലയാളത്തിന്റെ സ്വന്തം മമ്മൂക്കയുടെ 69 ആം പിറന്നാളാണിന്ന്. താരത്തിന് പിറന്നാള്‍ ആശംസകള്‍ നേര്‍ന്ന് എത്തിയിരിക്കുകയാണ് കേരള മുഖ്യമന്ത്രി പിണറായി വിജയന്‍.

ട്വിറ്റര്‍ പോസ്റ്റിലൂടെയാണ് മമ്മൂട്ടിയ്ക്ക് മുഖ്യമന്ത്രി ആശംസകള്‍ അറിയിച്ചത്. കോവിഡ് പ്രതിസന്ധികള്‍ കാരണം റിലീസ് നീട്ടിവച്ച മമ്മൂട്ടിയുടെ പുത്തന്‍ ചിത്രം വണ്‍ ല്‍ മുഖ്യമന്ത്രിയായാണ് താരം വേഷമിടുന്നത്. മോഹന്‍ലാല്‍ അടക്കമുള്ളവര്‍ മമ്മൂട്ടിക്ക് പിറന്നാള്‍ ആശംസകളുമായി എത്തിയിരുന്നു.