Malayalam
പ്രധാനമന്ത്രിയെ വിവാഹത്തിന് ക്ഷണിച്ച് മേപ്പടിയാന് സംവിധായകന്; സന്തോഷം പങ്കുവെച്ച് വിഷ്ണു മോഹന്
പ്രധാനമന്ത്രിയെ വിവാഹത്തിന് ക്ഷണിച്ച് മേപ്പടിയാന് സംവിധായകന്; സന്തോഷം പങ്കുവെച്ച് വിഷ്ണു മോഹന്
ഉണ്ണി മുകുന്ദന് നായകനായി എത്തിയ മേപ്പടിയാന് എന്ന ചിത്രത്തിലൂടെ ശ്രദ്ധ നേടിയ സംവിധായകനാണ് വിഷ്ണു മോഹന്. ഇപ്പോഴിതാ തന്റെ വിവാഹത്തിന് പ്രധാനമന്ത്രി നരേന്ദ്ര മോദിയെ ക്ഷണിച്ചിരിക്കുകയാണ് താരം. വിവാഹത്തിന്റെ ആദ്യ ക്ഷണക്കത്താണ് വിഷ്ണുവും പ്രതിശ്രുത വധു അഭിരാമിയും ചേര്ന്ന് മോദിക്ക് നല്കിയത്.
പ്രധാനമന്ത്രിയെ വിവാഹത്തിന് ക്ഷണിക്കാനായതിന്റെ സന്തോഷം വിഷ്ണു മോഹന് സോഷ്യല് മീഡിയയിലൂടെ പങ്കുവച്ചിട്ടുണ്ട്. അദ്ദേഹത്തിന്റെ വാക്കുകള് ഇങ്ങനെയായിരുന്നു;
‘നടന്നത് സ്വപ്നമാണോ യാഥാര്ഥ്യമാണോ എന്ന് ഇപ്പോഴും തിരിച്ചറിയാന് പറ്റാത്ത അവസ്ഥയില് ആണ്. വിവാഹത്തിന്റെ ആദ്യ ക്ഷണക്കത്ത് ആദരണീയനായ പ്രധാനമന്ത്രി ശ്രീ നരേന്ദ്ര മോഡിജിക്ക് നല്കാനും വെറ്റിലയും അടക്കയും കസവ് മുണ്ടും നല്കി അനുഗ്രഹം വാങ്ങിക്കാനുമുള്ള മഹാഭാഗ്യം ഇന്ന് ഞങ്ങള്ക് ഉണ്ടായി.
കേരളീയ വേഷത്തില് ഋഷിതുല്യനായ അദ്ദേഹം ഒരു കാരണവരെ പോലെ തലയില് കൈ വച്ച് അനുഗ്രഹിച്ചപ്പോള് ഒരു ജന്മം സഫലമായ അനുഭൂതി ആയിരുന്നു. വിവാഹിതരാകാന് പോകുന്ന എനിക്കും അഭിരാമികും ഇതിലും വലിയൊരു സുകൃതം ലഭിക്കാനുമില്ല എന്ന് കരുതുന്നു. അദ്ദേഹം പറഞ്ഞ വാക്കുകള് തരുന്ന ഊര്ജം ഈ ആയുഷ്കാലം മുഴുവന് നീണ്ടുനില്ക്കും.
ഞങ്ങളോടൊപ്പം അഭിരാമിയുടെ അച്ഛനും അമ്മയും ഈ സന്തോഷനിമിഷത്തിന് സാക്ഷികളായി ഉണ്ടായിരുന്നു. പങ്കെടുക്കാന് ഞാന് പരമാവധി ശ്രമിക്കും (ക ംശഹഹ േൃ്യ ാ്യ യലേെ ീേ മേേലിറ) ഈ വാക്കുകള് മാത്രം മതി വിവാഹത്തിന് എത്തില്ല എങ്കില് പോലും ആ ദിവസം ധന്യമാകാന്. നന്ദി മോഡിജി.’
അതേസമയം, നടന് ഉണ്ണി മുകുന്ദനും മോദിയുമായി കൂടിക്കാഴ്ച നടത്തിയിരുന്നു. മുക്കാല് മണിക്കൂറാണ് പ്രധാനമന്ത്രിക്കൊപ്പം ചെലവഴിക്കാന് അവസരം ലഭിച്ചതെന്നും തന്റെ ഏറെക്കാലമായുള്ള ആഗ്രഹം പോലെ ഗുജറാത്തിയിലാണ് സംസാരിച്ചതെന്നും ഉണ്ണി സോഷ്യല് മീഡിയയില് കുറിച്ചിരുന്നു. മോദിയുടെ കേരള സന്ദര്ശനത്തിന്റെ ഭാഗമായി കൊച്ചിയില് സംഘടിപ്പിച്ച യുവം 2023 പരിപാടിയിലും ഉണ്ണി മുകുന്ദന് പങ്കെടുത്തിരുന്നു.
