Connect with us

ഈ രണ്ട് മലയാള നടന്മാരെ ഒരുപാട് ഇഷ്ടമാണ്, അവർക്കൊപ്പം വർക്ക് ചെയ്യാൻ താത്പര്യമുണ്ട്; തമന്ന

Actress

ഈ രണ്ട് മലയാള നടന്മാരെ ഒരുപാട് ഇഷ്ടമാണ്, അവർക്കൊപ്പം വർക്ക് ചെയ്യാൻ താത്പര്യമുണ്ട്; തമന്ന

ഈ രണ്ട് മലയാള നടന്മാരെ ഒരുപാട് ഇഷ്ടമാണ്, അവർക്കൊപ്പം വർക്ക് ചെയ്യാൻ താത്പര്യമുണ്ട്; തമന്ന

തെന്നിന്ത്യയിൽ നിരവധി ആരാധകരുള്ള താരസുന്ദരിയാണ് തമന്ന. മുംബൈക്കാരിയായ തമന്നയുടെ കരിയർ ആരംഭിക്കുന്നത് ബോളിവുഡിലൂടെയാണ്. എന്നാൽ ആദ്യ സിനിമ പരാജയപ്പെട്ടതോടെ തമന്ന തെന്നിന്ത്യൻ സിനിമയിലേക്ക് കടന്നു വരികയായിയരുന്നു. പിന്നീട് അധികം വൈകാതെ തമിഴിലും തെലുങ്കിലുമെല്ലാം തിരക്കേറിയ, താരമൂല്യമുള്ള നടിയായി മാറാൻ തമന്നയ്ക്ക് സാധിച്ചു.

ധാരാളം ആരാധകരെ നേടിയെടുക്കാൻ സാധിച്ച തമന്ന തെന്നിന്ത്യൻ സിനിമയിലെ തന്നെ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ ഒരാളാണ്. തമന്നയുടെ ഓൺ സ്‌ക്രീൻ ജീവിതം പോലെ തന്നെ ഓഫ് സ്‌ക്രീൻ ജീവിതവും വാർത്തകളിൽ ഇടം നേടാറുണ്ട്. ഇപ്പോഴിതാ ഒരു മാധ്യമത്തിന് നൽകിയ അഭിമുഖത്തിൽ താരം പറഞ്ഞ വാക്കുകളാണ് വൈറലാകുന്നത്.

മലയാള നടന്മാരിൽ തനിക്ക് ഏറ്റവും ഇഷ്ടമുള്ള നടന്മാരെ കുറിച്ച് സംസാരിക്കുകയാണ് നടി. ഇവർ രണ്ടു പേരൊടൊപ്പം വർക്ക് ചെയ്യാൻ ആ​ഗ്രഹിക്കുന്നുവെന്നും നടി വെളിപ്പെടുത്തി. ഫഹദ് ഫാസിലിനെ എനിക്ക് ഇഷ്ടമാണ്. കൂടെ അഭിനയിക്കണമെന്ന് ഞാൻ ആഗ്രഹിക്കുന്ന അഭിനേതാക്കളിൽ ഒരാളാണ് ഫഹദ്.

ഒരു പെർഫോമർ എന്ന നിലയിൽ എനിക്ക് അദ്ദേഹത്തെ എനിക്ക് വളരെ ഇഷ്ടമാണ്. രാജ്യത്തെ ഏറ്റവും മികച്ച അഭിനേതാക്കളിൽ ഒരാളാണ് ഫഹദ് ഫാസിലെന്ന് എനിക്ക് തോന്നിയിട്ടുണ്ട്. അതുപോലെ തന്നെയാണ് ദുൽഖറിന്റെയും കാര്യം.

എനിക്ക് ദുൽഖറിനേയും ഇഷ്ടമാണ്. ഇന്നത്തെ തലമുറക്ക് മലയാളം അഭിനേതാക്കളെ പറ്റിയുള്ള ധാരണ മാറ്റിയത് തന്നെ ദുൽഖറാണ്. അദ്ദേഹം സത്യത്തിൽ ഒരു പാൻ ഇന്ത്യൻ ആക്ടറാണ്. എല്ലാവർക്കും ദുൽഖറിനെ അറിയാം. എനിക്ക് ദുൽഖറിനും ഫഹദിനും ഒപ്പം വർക്ക് ചെയ്യാൻ ആഗ്രഹമുണ്ട് എന്നുമാണ് തമന്ന പറയുന്നത്.

അതേസമയം, അരൺമനൈ 4 ആണ് നടിയുടേതായി പുറത്തെത്തിയ അവസാന ചിത്രം. ഭോല ശങ്കർ, ബാന്ദ്ര എന്നീ സിനിമകളുടെ പരാജയത്തിന് ശേഷം തെന്നിന്ത്യൻ നായിക തമന്നയ്ക്ക് ഒരു തിരിച്ചുവരവ് നൽകിയ സിനിമ കൂടിയാണ് അരൺമനൈ 4. ഈ ചിത്രത്തിൻറെ വൻ വിജയത്തിന് പിന്നാലെ തമന്ന ഒറ്റയടിക്ക് തന്റെ പ്രതിഫലവും വർധിപ്പിച്ചിരുന്നു. 30 ശതമാനത്തോളമാണ് വർധിപ്പിച്ചത്.

More in Actress

Trending