കന്നഡ ന‍ടൻ സരി​ഗമ വിജി അന്തരിച്ചു

പ്രശസ്ത കന്നഡ ന‍ടൻ സരി​ഗമ വിജി(76) അന്തരിച്ചു. വാർധക്യസഹജമായ അസുഖങ്ങളെ തുടർന്ന് ആയിരുന്നു അന്ത്യം. യശ്വന്ത്പൂരിൽ ഇന്നായിരുന്നു സംഭവം. കർണാടകയിലെ മണിപ്പാൽ ആശുപത്രിയിൽ ചികിത്സയിലിരിക്കുന്നതിനിടെ അവയവങ്ങൾ തകരാറിലായിരുന്നു.

ഏറെ നാളായി ഐസിയുവിലായിരുന്നു അദ്ദേഹം. ചമാരാജ്പേട്ടിലെ ശ്മ‌ശാനത്തിൽ നാളെയാണ് സംസ്കാരം നടക്കുക. മ​ഹാലക്ഷ്മിപുരത്തെ വസതിയിലാകും അന്ത്യ കർമങ്ങൾ നിർവഹിക്കുക. രണ്ടു മക്കൾക്കൊപ്പമാണ് വിജി കഴിഞ്ഞിരുന്നത്.

അദ്ദേഹത്തിന്റെ വിയോ​ഗ വാർത്ത പുറത്തുവന്നതോടെ സഹപ്രവർത്തകരും രാഷ്‌ട്രീയലക്കാരും ആരാധകരും ഉൾപ്പടെ നിരവധിപേർ ആദരാഞ്ജലികൾ അർപ്പിച്ചു. 1980 ൽ കരിയറിന് തുടക്കമിട്ട ആർ. വിജയകുമാർ എന്ന സരി​ഗമ വിജി മുന്നൂറോളം ചിത്രങ്ങളിൽ ചെറുതും വലുതുമായ വേഷങ്ങൾ അവതരിപ്പിച്ചു.

അഭിനേതാവ് എന്ന പോലെ തിരക്കഥ രചനയിലും താരം വ്യക്തിമുദ്ര പതിപ്പിച്ചിട്ടുണ്ട്. 80 ചിത്രങ്ങളിൽ സഹസംവിധായകനായി ജോലി ചെയ്തിട്ടുണ്ട്. 2,400 എപ്പിസോഡുകളുള്ള ടെലിവിഷൻ ഷോകളും സംവിധാനം ചെയ്തിട്ടുണ്ട്.