അച്ഛന്റെ മരണ ശേഷം സൽമാൻ ഉറങ്ങിയിട്ടില്ല, അവർ സഹാദരങ്ങളെ പോലെയായിരുന്നു; ബാബ സിദ്ദിഖിയുടെ മകൻ
ബാബ സിദ്ദിഖിയുടെ മ രണം നടൻ സൽമാൻ ഖാനെ തളർത്തിയെന്ന് ബാബ സിദ്ദിഖിയുടെ മകൻ സീഷാൻ സിദ്ദിഖി. മകൻ സീഷാന്റെ ഓഫീസിന് മുന്നിൽ വിജയദശമി ആഘോഷങ്ങളിൽ പങ്കെടുക്കവെയായിരുന്നു എൻസിപി നേതാവായിരുന്ന ബാബ സിദ്ദിഖി വെടിയേറ്റ് കാെ ല്ലപ്പെടുന്നത്. പിന്നാലെ ലോറൻസ് ബിഷ്ണോയ് സംഘം കൊ ലപാതകത്തിന്റെ ഉത്തരവാദിത്തം ഏറ്റെടുത്തിരുന്നു.
സൽമാൻ ഖാനുമായി അടുത്ത ബന്ധം കാത്ത് സൂക്ഷിച്ചിരുന്ന വ്യക്തിയാണ് ബാബ സിദ്ദിഖി. സൽമാനുമായുള്ള അടുത്ത ബന്ധമാണ് ബാബ സിദ്ദിഖിയുടെ കൊ ലപാതകത്തിന് കാരണമെന്ന് ആയിരുന്നു അവരുടെ വെളിപ്പെടുത്തൽ. ഇപ്പോഴിതാ തന്റെ പിതാവിന്റെ മരണ ശേഷം സൽമാൻ ഖാന്റെ അവസ്ഥ വളരെ പരിതാപകരമാണെന്നാണ് സീഷാൻ പറയുന്നത്.
ബിബിസിയിക്ക് നൽകിയ അഭിമുഖത്തിൽ സംസാരിക്കുകയായിരുന്നു സീഷാൻ. ആ സംഭവത്തിന് ശേഷം സൽമാൻ വളരെ അസ്വസ്ഥനാണ്. എന്റെ അച്ഛനും സൽമാൻ കാനും അടുത്ത സുഹൃത്തുക്കളായിരുന്നു. സുഹൃത്തുക്കൾ എന്നതിനേക്കാളുപരി അവർ സഹോദരങ്ങളെ പോലെയായിരുന്നു.
അച്ഛന്റെ അപ്രതീക്ഷിത മരണത്തിന് പിന്നാലെ സൽമാൻ ഞങ്ങൾക്കൊപ്പം തന്നെയുണ്ടായിരുന്നു. ഞങ്ങളുടെ കുടുംബത്തെ ആശ്വസിപ്പിച്ചിരുന്നു. രാവെന്നില്ല പകലെന്നില്ലാതെ എന്നെ വിളിച്ച് കാര്യങ്ങൾ അന്വേഷിക്കുകയും സമാധാനിപ്പിക്കുകയും ചെയ്യുമായിരുന്നു. ശരിക്കം പറഞ്ഞാൽ ആ സംഭവത്തിന് ശേഷം സൽമാൻ ഉറങ്ങിയിട്ടില്ല.
ഒരിക്കൽ അദ്ദേഹം അതേ കുറിച്ച് എന്നോട് സംസാരിച്ചിട്ടുമുണ്ട്. അച്ഛന്റെ മരണ ശേഷം ശരിക്കൊന്ന് ഉറങ്ങാൻ പോലും സാധിക്കുന്നില്ലെന്നാണ് അദ്ദേഹം പറഞ്ഞത്. അദ്ദേഹത്തിന്റെ പിന്തുണ എപ്പോഴും ഞങ്ങൾക്കൊപ്പമുണ്ട്. അതുപോലെ ഞങ്ങളുടെ പിന്തുണയും സൽമാൻ ഖാന് ഉണ്ടാകും. ഇനിയും അത് തുടരുക തന്നെ ചെയ്യും എന്നും സീഷാൻ പറഞ്ഞു.
അതേസമയം, നടൻ സൽമാൻ ഖാന് വീണ്ടും വ ധഭീ ഷണി വന്നത് വാർത്തയായിരുന്നു. ലോറൻസ് ബിഷ്ണോയിയുമായുള്ള ശത്രുത അവസാനിപ്പിക്കാൻ അഞ്ചു കോടി രൂപ വേണമെന്നാവശ്യപ്പെട്ടായിരുന്നു സന്ദേശം എത്തിയിരുന്നത്. ഇതൊന്നും നിസാരമായി കാണരുത്. ലോറൻസ് ബിഷ്ണോയിയുമായുള്ള ശത്രുത അവസാനിപ്പിക്കാനും ജീവനോടെ ഇരിക്കാനും അഞ്ചു കോടി രൂപ ഞങ്ങൾക്ക് നൽകണം.
പണം നൽകിയില്ലെങ്കിൽ വെ ടിയേറ്റ് കൊല്ലപ്പെട്ട മുൻ മന്ത്രിയും എൻ.സി.പി നേതാവുമായ ബാബ സിദ്ദീഖിയുടേതിനേക്കാൾ മോശമാകും സൽമാൻ ഖാന്റെ അവസ്ഥയെന്നുമാണ് ഭീ ഷണി സന്ദേശത്തിൽ പറഞ്ഞിരുന്നത്. പിന്നാലെ ഝാർഖണ്ഡിലെ ജംഷഡ്പൂർ സ്വദേശിയായ യുവാവിനെ പോലീസ് അറസ്റ്റ് ചെയ്തിരുന്നു.
