ഫോര്‍ബ്‌സ് മാസികയുടെ 30 അണ്ടര്‍ 30ല്‍ ഇടം നേടി സായ് പല്ലവി

പ്രേമം’ എന്ന സിനിമയിലൂടെ മലയാളസിനിമയിലെത്തിയ താരമാണ് സായ് പല്ലവി. 2008ല്‍ തമിഴില്‍ ‘ധൂം ധാം’ എന്ന ചിത്രത്തിലൂടെ അഭിനയരംഗത്തെത്തിയത്. പിന്നീട് തമിഴ്, തെലുഗ് ഭാഷകളിലേക്ക് ചേക്കേറിയ താരം തെന്നിന്ത്യന്‍ സിനിമയിലെ പ്രിയപ്പെട്ട നടിമാരില്‍ ഒരാളായി മാറിയിരിക്കുകയാണ്.

സിനിമയില്‍ നിരവധി നേട്ടങ്ങള്‍ സ്വന്തമാക്കിയ താരം ഇപ്പോള്‍ ഫോര്‍ബ്‌സ് മാസികയുടെ 30 അണ്ടര്‍ 30ല്‍ ഇടം നേടിയിരിക്കുകയാണ്. ഫോര്‍ബ്‌സ് മാസിക 30 വയസ്സില്‍ താഴെയുളള, സമൂഹത്തില്‍ ഏതെങ്കിലും രീതിയില്‍ സ്വന്തം മികവ് തെളിയിച്ച ആളുകളെ ഉള്‍പ്പെടുത്തി തയ്യാറാക്കുന്ന പട്ടികയാണ് 30 അണ്ടര്‍ 30 . ഈ പട്ടികയിലാണ് സായി ഇടം നേടിയിരിക്കുന്നത്. സായി പല്ലവി തന്നെയാണ് ഇക്കാര്യം ട്വിറ്ററിലൂടെ ആരാധകരെ അറിയിച്ചത്.

Sai Pallavi