രാഹുല്‍ ഗാന്ധിയെ പുറത്താക്കാമെങ്കില്‍ സ്‌ഫോടനക്കേസ് പ്രതി എംപിയായി തുടരുന്നതിന്റെ അടിസ്ഥാനമെന്താണ്; സ്വര ഭാസ്‌കര്‍

രാഹുല്‍ ഗാന്ധി പ്രശ്‌നത്തില്‍ ബിജെപിയെ രൂക്ഷമായി വിമര്‍ശിച്ച് ബോളിവുഡ് താരം സ്വര ഭാസ്‌കര്‍. രാഹുല്‍ ഗാന്ധിയെ പുറത്താക്കാമെങ്കില്‍ സ്‌ഫോടനക്കേസ് പ്രതി എംപിയായി തുടരുന്നതിന്റെ അടിസ്ഥാനമെന്താണെന്നാണ് സ്വര ഭാസ്‌കര്‍ ട്വീറ്റുചെയ്തത്.

ജനാധിപത്യപരമായി തിരഞ്ഞെടുക്കപ്പെട്ട സര്‍ക്കാര്‍തന്നെ ജനാധിപത്യത്തെ ഇല്ലാതാക്കുന്ന രാജ്യങ്ങളിലൊന്നായി ഇന്ത്യയും മാറി. രാഹുല്‍ ഗാന്ധിയുടെ ലോക്‌സഭാംഗത്വം റദ്ദാക്കാമെങ്കില്‍

മാലെഗാവ് സ്‌ഫോടനക്കേസ് പ്രതിയായ ബി.ജെ.പി.നേതാവ് പ്രഗ്യാ സിങ് ഠാക്കൂര്‍ എം.പി.യായി തുടരുന്നത് എന്തടിസ്ഥാനത്തിലാണെന്നും അവര്‍ ചോദിച്ചു. നീതിന്യായവ്യവസ്ഥ ‘കൊള്ളാ’മെന്നും സ്വര ഭാസ്‌കര്‍ ട്വിറ്ററില്‍ കുറിച്ചു.