ഗായിക രാധിക തിലകിന്റെ മകള്‍ വിവാഹിതയായി

അന്തരിച്ച ഗായിക രാധിക തിലകിന്റെ മകള്‍ ദേവിക സുരേഷ് വിവാഹിതയായി. ബെംഗളൂരു സ്വദേശി അരവിന്ദ് സുചിന്ദ്രന്‍ ആണ് വരന്‍. തിങ്കളാഴ്ച ബെംഗളൂരുവില്‍ വെച്ചായിരുന്നു വിവാഹം.

അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തിന് പങ്കെടുത്തത്. വത്സല-സുചിന്ദ്രന്‍ ദമ്പതികളുടെ മകനായ അരവിന്ദ് അഭിഭാഷകനാണ്.

വിവാഹത്തോടനുബന്ധിച്ച മറ്റു ചടങ്ങുകള്‍ ഈ മാസം 25ന് എറണാകുളം എളമക്കരയിലെ ഭാസ്‌കരീയം കണ്‍വെന്‍ഷന്‍ സെന്ററില്‍ നടക്കുമെന്ന് ദേവികയുടെ പിതാവ് സുരേഷ് കൃഷ്ണന്‍ അറിയിച്ചു. സുഹൃത്തുക്കള്‍ക്ക് വിവാഹവിരുന്നും സംഘടിപ്പിച്ചിട്ടുണ്ട്. ഗായിക സുജാത കുടുംബസമേതം വിവാഹത്തിനെത്തിയിരുന്നു.

2015 സെപ്റ്റംബര്‍ 20നാണ് രാധിക തിലക് വിടവാങ്ങിയത്.അര്‍ബുദത്തെ തുടര്‍ന്ന് ചികിത്സയിലായിരുന്നു.