ലക്ഷങ്ങൾ വിലയുള്ള സമ്മാനങ്ങൾ; ഗബ്രിയെ ഞെട്ടിച്ച് ജാസ്മിൻ; പരിസരംമറന്ന് പൊട്ടിക്കരഞ്ഞ് താരം; ആ ഞെട്ടിക്കുന്ന സത്യം പുറത്ത്!!

ബിഗ് ബോസ് ഷോയില്‍ ഏറ്റവും അധികം വിമര്‍ശനം നേരിട്ട സൗഹൃദമായിരുന്നു ജാസ്മിന്‍ ജാഫറിന്റെയും ഗബ്രി ജോസിന്റെയും. പ്രണയമാണോ സൗഹൃദമാണോ എന്ന കണ്‍ഫ്യൂഷനാണ് ഇരുവര്‍ക്കും, ആളുകളെ തെറ്റിദ്ധരിപ്പിക്കുകയാണ് എന്നൊക്കെയുള്ള തരത്തിലായിരുന്നു വിമര്‍ശനങ്ങള്‍.

ബിഗ് ബോസില്‍ നിന്ന് പുറത്തിറങ്ങിയാല്‍ അതെല്ലാം തീരും എന്ന് പറഞ്ഞവരുമുണ്ട്. എന്നാല്‍ ഷോയില്‍ നിന്ന് പുറത്തിറങ്ങിയതിന് ശേഷം, സൗഹൃദം കൂടുതല്‍ ബലപ്പെടുത്തുകയായിരുന്നു ജാസ്മിനും ഗബ്രിയും ചെയ്തത്. യൂട്യൂബില്‍ ഇരുവരും സജീവ സാന്നിധ്യമായി.

ഒരുമിച്ചുള്ള ആഘോഷങ്ങളും ഫോട്ടോഷൂട്ടുകളും യാത്രകളുമൊക്കെയായി ജാസ്മിനും ഗബ്രിയും തങ്ങളുടെ സൗഹൃദം നിലനിര്‍ത്തി. ഒളിവും മറയും ഇല്ലാത്ത സൗഹൃദത്തിന് വീട്ടുകാര്‍ക്കും വിരോധമുണ്ടായില്ല. ജാസ്മിന്റേയും ഗബ്രിയുടേയും സന്തോഷനിമിഷങ്ങളെല്ലാം ഇരുവരും പരസ്പരം ആരാധകരുമായി പങ്കുവെയ്ക്കാറുണ്ട്.

അതേസമയം കഴിഞ്ഞ ദിവസമായിരുന്നു ഗബ്രിയുടെ പിറന്നാൾ. അർധരാത്രിയിൽ തന്നെ ആരാധകരും സുഹൃത്തുക്കളും കുടുംബാംഗങ്ങളുമെല്ലാം ഗബ്രിക്ക് സോഷ്യൽമീ‍ഡിയ വഴിയും ഫോൺ കോൾ മുഖേനയുമെല്ലാം ആശംസകൾ നേർന്ന് തുടങ്ങിയിരുന്നു. ജാസ്മിനും പ്രിയ സുഹൃത്തിന് പിറന്നാൾ ആശംസിച്ച് സോഷ്യൽമീഡിയയിൽ കുറിപ്പ് പങ്കുവെച്ചിരുന്നു.

എന്നാൽ അവിടം കൊണ്ടൊന്നും ആഘോഷങ്ങൾ അവസാനിച്ചില്ല. ഗബ്രിക്ക് കിടിലൻ ഒരു പിറന്നാൾ ആഘോഷമാണ് ജാസ്മിൻ തന്റെ ബിഗ് ബോസ് സുഹൃത്തുക്കളുടെ സഹായത്തോടെ ഒരുക്കിയത്. സർപ്രൈസുകളുടെ തുടക്കം കൊച്ചിയിൽ ഒരുക്കിയ കേക്ക് കട്ടിങ് ചടങ്ങോടെയായിരുന്നു. കൊച്ചിയിലെ ഒരു ഹോട്ടലിൽ‌ വെച്ചായിരുന്നു ആഘോഷം.

സിനിമാ കഥ കേൾക്കാനാണെന്നും പറഞ്ഞ് പിറന്നാൾ ആഘോഷം നടക്കുന്ന സ്പോട്ടിലേക്ക് ഗബ്രിയെ ജാസ്മിന്റെ നിർദേശപ്രകാരം എത്തിച്ചത് സായ് കൃഷ്ണനായിരുന്നു. കഥ കേൾക്കാനായി എത്തിയ ഗബ്രി പിറന്നാൾ സെലിബ്രേഷനാണെന്ന് അറിഞ്ഞതോടെ ഞെട്ടി. വലിയൊരു ബൊക്കെ സമ്മാനിച്ചാണ് ഗബ്രിയെ ജാസ്മിൻ സ്വീകരിച്ചത്. ശേഷം ഗബ്രിക്ക് ഏറെ പ്രിയപ്പെട്ട ചോക്ലേറ്റായ ഫെറേറോ റോഷറിന്റെ വലിയൊരു ബോക്സ് സമ്മാനിച്ചു. ശേഷം കേക്ക് കട്ടിങ് നടന്നു. ജാസ്മിന് പുറമെ സായ് കൃഷ്ണൻ, സിജോ തുടങ്ങിയവരും ആഘോഷത്തിൽ പങ്കെടുത്തു.‍ വാച്ച് പ്രേമിയായ ഗബ്രിക്ക് വില കൂടിയ ഒരു വാച്ചാണ് ജാസ്മിൻ സമ്മാനമായി നൽകിയത്. അതും ഗബ്രിയുടെ ബക്കറ്റ് ലിസ്റ്റിലുണ്ടായിരുന്ന ഒരു വാച്ച് തന്നെയാണ് ജാസ്മിൻ സമ്മാനിച്ചത്.

വാച്ച് ഗബ്രിക്കും ഇഷ്ടപ്പെട്ടു. ആ ഒരു കേക്ക് മുറിയോടെ പിറന്നാൾ ആഘോഷം അവസാനിച്ചുവെന്നാണ് ഗബ്രി കരുതിയിരുന്നത്. എന്നാൽ അതൊരു തുടക്കം മാത്രമായിരുന്നു. അതിനേക്കാൾ ഗംഭീരമായൊരു ബർത്ത് ഡെ പാർട്ടി ബിഗ് ബോസ് താരങ്ങളെയും അവരുടെ കുടുംബാംഗങ്ങളേയുമെല്ലാം വിളിച്ച് ചേർത്ത് അന്നേ ദിവസം വൈകീട്ട് ഗബ്രിക്കായി ജാസ്മിൻ ഒരുക്കി.

പലവിധ നുണകൾ പറഞ്ഞാണ് പിറന്നാൾ ആഘോഷം ഒരുക്കിയ സ്പോട്ടിലേക്ക് ഗബ്രിയെ ജാസ്മിനും ടീമും എത്തിച്ചത്. തന്റെ പിറന്നാൾ ആഘോഷത്തിന്റെ ഒരുക്കങ്ങൾ കണ്ട് ഗബ്രി അക്ഷരാർത്ഥത്തിൽ ഞെട്ടി. വാച്ചിന് പുറമെ ഗബ്രിയുടെ ഇഷ്ടങ്ങൾ അറിഞ്ഞ് വേറെയും നിരവധി സമ്മാനങ്ങൾ ജാസ്മിൻ കയ്യിൽ കരുതിയിരുന്നു. അതെല്ലാം അവിടെ വെച്ച് ജാസ്മിൻ സമ്മാനിച്ചു.

നേരത്തേ ജാസ്മിന്റെ പിറന്നാളിന് ഗബ്രി സർപ്രൈസ് ഒരുക്കിയിരിക്കുന്നു. എന്നാൽ അതിനേക്കാൾ വലിയൊരു സർപ്രൈസ് ആണ് ജാസ്മിൻ ഇപ്പോൾ തനിക്ക് നൽകിയിരിക്കുന്നതെന്നാണ് ഗബ്രി വീഡിയോയിൽ പറഞ്ഞത്. ഇതുപോലെ സ്പീച്ച്ലെസ് ആയ ഒരു നിമിഷം എന്റെ ജീവിതത്തിൽ ഉണ്ടായിട്ടില്ല. കഴിഞ്ഞ വർഷം എന്റെ പിറന്നാളിന് ഞാൻ കേക്ക് പോലും മുറിച്ചിരുന്നില്ല.

ജാസ്മിനും സായിയും സിജോയുമൊക്കെ നന്നായി അഭിനയിച്ചു. എനിക്ക് മനസിലായില്ല. ഞാൻ എന്റെ ജീവിതത്തിലെ ഏറ്റവും സന്തോഷം നിറഞ്ഞ നിമിഷത്തിലാണ് നിൽക്കുന്നത് എന്നാണ് ഗബ്രി പറഞ്ഞത്. ജാസ്മിൻ നൽകിയ സമ്മാനങ്ങൾ കണ്ട് ഗബ്രിയും ബിഗ് ബോസ് താരങ്ങളും ഞെട്ടി. വാച്ച്, ഒരു കുരങ്ങ് ബൊമ്മ, ജെൽ ബ്ലാസ്റ്റ് റൈഫിൾ കളിപ്പാട്ടം, ഗൂച്ചിയുടെ സൺഗ്ലാസ് ,പ്ലേസ്റ്റേഷൻ 5 എന്നിങ്ങനെ നിരവധി സമ്മാനങ്ങൾ ജാസ്മിൻ ഗബ്രിയ്ക്കായി ഒരുക്കിയിരുന്നു.

ഞാൻ നമ്മുക്കിടയിൽ സംസാരിച്ച കാര്യങ്ങളിൽ പലതുമാണ് അവൾ എനിക്കായി തന്നത്. എനിക്ക് ജീവിതത്തിൽ ഒരാൾക്ക് വേണ്ടി ഇങ്ങനെ ചെയ്ത് കൊടുക്കാൻ പറ്റുമെന്ന് തോന്നുന്നില്ല. വളരെ അധികം നന്ദിയുള്ളവനാണ്. ഒരാളെ പരിചയപ്പെടാൻ പറ്റുന്നതും അയാൾ നമ്മുടെ ജീവിതത്തിന്റെ വലിയൊരു ഭാഗമാകുന്നതും നമ്മുടെ കൂടെ കൈപിടിച്ച് നിൽക്കുന്നതും പ്രശ്നങ്ങളും സന്തോഷങ്ങളും സങ്കടങ്ങളും എന്തും വരുമ്പോഴും നമ്മുടെ ഒപ്പം നിൽക്കുന്നതും നമ്മുടെ സന്തോഷത്തിന് വേണ്ടി ഏതറ്റം വരെയും പോകുന്നതും അതിനേക്കാൾ വിലയൊരു ഭാഗ്യം കിട്ടുക എന്നത് ബുദ്ധിമുട്ടാണ്.

ഞങ്ങൾ തമ്മിലുള്ള ബന്ധം ഡിഫൈൻ ചെയ്യാൻ കുറേപ്പേർ ഒരുപാട് നാൾ നടന്നിരുന്നു. പക്ഷെ അങ്ങനൊരു ഡെഫനിഷന്റെ ആവശ്യമില്ല. ഇറ്റ് ഈസ് സംതിങ് സ്പെഷ്യൽ. ജാസ്മിനെ എന്റെ ജീവിതത്തിൽ കിട്ടിയതിൽ ഞാൻ വളരെ സന്തോഷവാനാണ് എന്നാണ് ജാസ്മിനൊരുക്കിയ പിറന്നാൾ ആഘോഷം തന്ന സന്തോഷം പങ്കുവെച്ച് ഗബ്രി പറഞ്ഞത്.

ജാസ്മിൻ ഗബ്രിക്കൊരുക്കിയ പിറന്നാൾ ആഘോഷം ഗംഭീരമായിയെന്നും ഗബ്രി പോലും ഇത് പ്രതീക്ഷിച്ചിട്ടുണ്ടാവില്ലെന്നുമാണ് കമന്റുകൾ ഏറെയും. നമ്മൾ തമ്മിലുള്ള ബന്ധം ഡിഫൈൻ ചെയ്യാൻ കുറേ പേർ കുറേക്കാലം നടന്നതൊക്കെയാണ്. പക്ഷെ ആ ബന്ധം ഡിഫൈൻ ചെയ്യേണ്ട ആവശ്യമില്ല.

ഇറ്റ് ഈസ് സംതിങ് സെപ്ഷ്യൽ. എക്സ്ട്രീമിലി ഗ്രേറ്റ്ഫുൾ ഫോർ ജാസ്മിൻ. ഞാൻ സാധരണ എന്റെ പിറന്നാളിന് എനിക്ക് വേണ്ടി പല ഗിഫ്റ്റുകളും വാങ്ങാറുണ്ട്. കഴിഞ്ഞ തവണ ഞാൻ സ്വന്തമായി ഒരു വാച്ച് വാങ്ങി. ഇത്തവണ ഇങ്ങോട്ട് വരുമ്പോൾ ഒരു കടയിൽ വിളിച്ച് പിഎസ് 5 വേണമെന്നൊക്കെ വിളിച്ച് പറഞ്ഞിരുന്നു. അപ്പോഴാണ് എനിക്ക് പിഎസ് 5 കിട്ടിയത്’, താരം പറഞ്ഞു.

ഡിജെ പാർട്ടിയും ഭക്ഷണവിരുന്നുമൊക്കെ പരിപാടിയിൽ ഒരുക്കിയിരുന്നു. സിജോ, അഭിഷേക്, നന്ദന, സീക്രട്ട് ഏജന്റ്, സിബിൻ തുടങ്ങി ബിഗ് ബോസ് സീസൺ 6 ലെ താരങ്ങളെല്ലാം പരിപാടിയിൽ പങ്കെടുത്തിരുന്നു. അതേസമയം വീഡിയോയ്ക്ക് താഴെ നിരവധി പേരാണ് ഗബ്രിക്ക് ആശംസ അറിയിച്ചും ജാസ്മിൻ-ഗബ്രി സൗഹൃദത്തെ വാഴ്ത്തിയുമെല്ലാം കമന്റ് ചെയ്യുന്നത്. നിങ്ങളെ പോലെ നിങ്ങൾ മാത്രമേ ഉള്ളൂവെന്നും എന്നും ജീവിതത്തിൽ പരസ്പരം ഇങ്ങനെ ഉണ്ടാകട്ടെയെന്നുമാണ് പലരും കമന്റ് ചെയ്യുന്നത്. ജാസ്മിന്റെ സ്നേഹം വിലമതിക്കാനാകാത്തതാണെന്നും ജീവിതത്തിൽ ഒരിക്കലും ജാസ്മിനെ കൈവിടരുതെന്നും ചിലർ കുറിക്കുന്നു.