പൃഥ്വിക്കൊപ്പം ‘ലൂസിഫറി’ല്‍ ജാന്‍വിയായി സാനിയ ഇയ്യപ്പന്‍. ചിത്രത്തിന്റെ 21-ാമത് പോസ്റ്റര്‍ പുറത്ത് വിട്ടു….

നടന്‍ പൃഥ്വിരാജ് ആദ്യമായി സംവിധായകനാകുന്ന ‘ലൂസിഫറി’ലെ ഇരുപത്തിയൊന്നാമത്തെ ക്യാരക്ടര് പോസ്റ്റര് പുറത്തു വിട്ടു. ചിത്രത്തില്‍ യുവനടി സാനിയ ഇയ്യപ്പന്‍ അവതരിപ്പിക്കുന്ന ജാന്‍വി എന്ന കഥാപാത്രത്തിന്റെ പോസ്റ്ററാണ് ഇന്ന് പുറത്ത് വിട്ടിരിക്കുന്നത്.

ചിത്രത്തില്‍ സാനിയ മോഹന്‍ലാലിന്റെയും മഞ്ജുവാര്യരുടെയും കഥാപാത്രങ്ങളുടെ മകളായാണ് എത്തുന്നതെന്ന് മുന്‍പ് റിപ്പോര്ട്ടുണ്ടായിരുന്നു. ഇന്നലെ സായികുമാര് അവതരിപ്പിക്കുന്ന കഥാപാത്രത്തിന്റെ പോസ്റ്റര് പുറത്ത് വിട്ടിരുന്നു. മുതിര്ന്ന രാഷ്ട്രീയക്കാരനായാവും സായികുമാര് ചിത്രത്തില്‍ പ്രത്യക്ഷപ്പെടുക.

കഴിഞ്ഞ ഞായറാഴ്ച പുറത്ത് വിട്ടത് കലാഭവന്‍ ഷാജോണിന്റെ കഥാപാത്രമായ അലോഷി ജോസഫിന്റെ ക്യാരക്ടര് പോസ്റ്ററായിരുന്നു.

അതിന് മുന്‍പ് നൈല ഉഷ അവതരിപ്പിക്കുന്ന കഥാപാത്രമായ അരുന്ധതിയുടെ പോസ്റ്ററും പുറത്തുവിട്ടിരുന്നു. ചിത്രത്തില്‍ മഞ്ജു വാര്യര് അവതരിപ്പിക്കുന്ന ശക്തയായ കഥാപാത്രത്തിന്റെ പോസ്റ്ററാണ് വനിതാ ദിന സ്‌പെഷ്യലായി പുറത്ത് വിട്ടിരുന്നത്. മഞ്ജു വാര്യര് അവതരിപ്പിക്കുന്ന കഥാപാത്രത്തിന്റെ പേര് പക്ഷേ പുറത്ത് വിട്ടിരുന്നില്ല.

കൂടാതെ അമേരിക്കന്‍ ഗായകനും ഗാനരചയിതാവുമായ ജിജു ജോണ് അവതരിപ്പിക്കുന്ന സഞ്ജീവ് എന്ന കഥാപാത്രത്തിന്റെ പോസ്റ്ററാണ് പതിനേഴാമതായി പുറത്ത് വിട്ടത്. നടന്‍ ബൈജു അവതരിപ്പിക്കുന്ന രാഷ്ട്രീയക്കാരനായ മുരുകന്‍ എന്ന കഥാപാത്രത്തിന്റെ പോസ്റ്ററും മുന്‍പ് പുറത്ത് വിട്ടിരുന്നു.

സംവിധായകന്‍ ഫാസില്‍ അവതരിപ്പിക്കുന്ന ഫാ.നെടുമ്പള്ളി എന്ന കഥാപാത്രത്തിന്റെ പോസ്റ്ററാണ് അതിന് മുന്‍പ് പുറത്തുവിട്ടിരുന്നത്. ബോളിവുഡ് നടന്‍ സച്ചിന്‍ ഖെടേകര് അവതരിപ്പിക്കുന്ന പി.കെ രാംദാസ് എന്ന കഥാപാത്രത്തിന്റെ പോസ്റ്ററാണ് കഴിഞ്ഞ ചൊവ്വാഴ്ച പുറത്തുവിട്ടത്. സ്റ്റീഫന് നെടുമ്പള്ളി എന്ന രാഷ്ട്രീയക്കാരനായ ശക്തമായ കഥാപാത്രത്തെയാണ് മോഹന്‍ലാല്‍ ചിത്രത്തില്‍ അവതരിപ്പിക്കുന്നത്.

കഴിഞ്ഞദിവസങ്ങളില്‍ പുറത്ത് വിട്ട പോസ്റ്ററുകള് ചിത്രത്തിലെ അബ്ദുള്, മേടയില്‍ രാജന്‍, പിതാംബരന്‍, മയില്‍വാഹനം, സുമേഷ്, നെടുമ്പള്ളി കൃഷ്ണന്‍ എന്നീ കഥാപാത്രങ്ങളുടേയും ഭദ്രന്‍ എന്ന കഥാപാത്രത്തിന്റേയും റിജു എന്ന കഥാപാത്രത്തിന്റേതുമായിരുന്നു. നടന്‍ സുരേഷ് ചന്ദ്ര മേനോന്‍ അബ്ദുളായും ശിവജി ഗുരുവായൂര് മേടയില്‍ രാജനായും, നന്ദു, പീതാംബരനായും തമിഴ് നടന്‍ ജോണ്‍ വിജയ് മയില്‍ വാഹനനായും നടന്‍ അനീഷ് ജി.മേനോന്‍ സുമേഷായുമെത്തുന്നു.

കൈനകരി തങ്കരാജാണ് കൃഷ്ണനായെത്തുന്നത്. ബാലയാണ് ഭദ്രനായെത്തുന്നത്. ആദില്‍ ഇബ്രാഹിമാണ് റിജു എന്ന കഥാപാത്രത്തെ അവതരിപ്പിക്കുന്നത്. അതിന് മുന്‍പ് ചിത്രത്തിലെ അപര്‍ണ എന്ന കഥാപാത്രത്തിന്റെ പോസ്റ്ററായിരുന്നു പുറത്ത് വിട്ടത്. കമ്മട്ടിപാടത്തിലൂടെ ശ്രദ്ധേയയായ ഷോണ്‍ റോമി ആണ് ഈ കഥാപാത്രത്തെ അവതരിപ്പിക്കുന്നത്.

കൂടാതെ മുത്തു എന്ന ക്യാരക്ടര് പോസ്റ്റര് പുറത്തിറക്കിയിരുന്നു. അതിനുമുമ്പ് മോഹന്‌ലാല് അവതരിപ്പിക്കുന്ന കഥാപാത്രമായ സ്റ്റീഫന് നെടുമ്പള്ളിയേയും മറ്റ് കഥാപാത്രങ്ങളായെത്തുന്ന മഞ്ജു വാര്യര്, ടൊവീനോ, ഇന്ദ്രജിത്ത്, വിവേക് ഒബ്‌റോയ് തുടങ്ങിയവരേയും കാണിക്കുന്ന പോസ്റ്റര് പൃഥ്വിരാജ് പുറത്തിറക്കിയിരുന്നു. മോഹന്‍ലാല്‍ വലിയൊരു സംഘത്തോടൊപ്പം നടന്നുവരുന്ന പോസ്റ്ററും ഉണ്ടായിരുന്നു. കൂടാതെ ചിത്രത്തിലെ ബാലതാരങ്ങളുടെ പോസ്റ്ററുകളും കഴിഞ്ഞദിവസം വന്നിരുന്നു.

ഫെബ്രുവരി 20 മുതല്‍ 26 ദിവസം ചിത്രത്തിലെ ഓരോ കഥാപാത്രങ്ങളേയും പരിചയപ്പെടുത്തുന്ന പോസ്റ്ററുകള് പുറത്തിറക്കുമെന്ന് ലൂസിഫര് ടീം പ്രഖ്യാപിച്ചിരുന്നു. അതനുസരിച്ചാണ് കഴിഞ്ഞ രണ്ട് ദിവസങ്ങളില്‍ ബാലതാരങ്ങളായ പ്രിയദര്ശിനിയേയും ഹെലനേയും അഭിമന്യുവിനേയും കാണിക്കുന്ന പോസ്റ്ററുകള് പുറത്തിറക്കിയിരുന്നത്.

കൂടാതെ ചിത്രത്തില്‍ മോഹന്‍ലാലിന്റെ ചെറുപ്പകാലം അവതരിപ്പിക്കുന്ന ആദര്ശ് എന്ന ബാലതാരത്തിന്റെ പോസ്റ്ററും പുറത്തുവിട്ടിട്ടുണ്ട്. ആദ്യ ദിവസങ്ങളില്‍ പോസ്റ്ററുകളില്‍ ചിത്രത്തിലെ ബാലതാരങ്ങളായ ഹെലനേയും അഭിമന്യുവിനേയും അവതരിപ്പിച്ചിരുന്നു. ഇവര് ചിത്രത്തില്‍ അവതരിപ്പിക്കുന്ന കഥാപാത്രങ്ങളുടെ പേര് റാഹേല്‍, റോബി എന്നാണ്. ശേഷം ചിത്രത്തിലെ കഥാപാത്രമായ പ്രിയദര്ശിനിയുടെ ക്യാരക്ടര് പോസ്റ്റര് പുറത്തുവിട്ടിരിക്കുകയാണ്. ഏയ്ഞ്ചലീന എന്ന കുട്ടിയാണ് പ്രിയദര്ശിനിയുടെ വേഷം അവതരിപ്പിക്കുന്നത്.

നെടുമ്പള്ളി എന്നെഴുതിയ ജീപ്പിലിരിക്കുന്ന ലാലിന്റെ പോസ്റ്ററും പുറത്തിറക്കിയിരുന്നു. ആ പോസ്റ്റര് ഏറെ വൈറലായിരുന്നു. ആരാധകര് ഫാന്‍ മെയ്ഡ് പോസ്റ്ററുകള് നല്‍കിയാല്‍ പോസ്റ്റ് ചെയ്യുമെന്നും അണിയറപ്രവര്ത്തകര് അറിയിച്ചിട്ടുണ്ട്. ആരാധകര് ഏറെ ആകാംഷയോടെ കാത്തിരിക്കുന്ന ചിത്രത്തിനായി ഗംഭീര വരവേല്പ്പ് നല്കാനൊരുങ്ങുകയാണ് അണിയറപ്രവര്ത്തകര് ഇനിയുള്ള പോസ്റ്ററുകളിലൂടെ.

ഫെബ്രുവരി 20 മുതല് മാര്ച്ച് 28 വരെയുള്ള ദിവസങ്ങളില് 26 ക്യാരക്ടര് പോസ്റ്ററുകള് പുറത്തുവിടും. മാര്ച്ച് 28നാണ് ചിത്രത്തിന്റെ റിലീസ്. സജീവ രാഷ്ട്രീയ പ്രവര്ത്തകനായ ആയ സ്റ്റീഫന് നെടുമ്പള്ളി എന്ന മുഖ്യ കഥാപാത്രമായാണ് മോഹന്‌ലാല് ചിത്രത്തില് എത്തുന്നത്. മുരളി ഗോപി തിരക്കഥയെഴുതിയ ചിത്രം ആശിര്വാദ് സിനിമാസിന്റെ ബാനറില് മോഹന്‍ലാലിന്റെ ഉറ്റസുഹൃത്ത് ആന്റണി പെരുമ്പാവൂരാണ് നിര്മ്മിക്കുന്നത്. മഞ്ജുവാര്യരാണ് നായിക. ടൊവീനോ, വിവേക് ഒബ്‌റോയ്, ഇന്ദ്രജിത്ത് സുകുമാരന്‍ തുടങ്ങിയവര് തന്ത്രപ്രധാനമായ റോളുകളിലാണ് ചിത്രത്തില്‍.

Prithvirajs movie Lusifer 21-st Charecter poster…