“അതല്ലാതെ വെറുതെ കാട്ടിൽ ഒരു അയ്യപ്പനുണ്ട് , കാണാൻ പോയേക്കാം എന്നാണെങ്കിൽ ഒന്നേ പറയാനുള്ളു ” – ശബരിമല സ്ത്രീപ്രവേശനത്തിൽ പ്രതികരിച്ച് പൃഥ്വിരാജ്

കേരളത്തിലെ സമകാലിക വിഷയങ്ങളിൽ വ്യക്തമായ അഭിപ്രായമുള്ള വ്യക്തിയാണ് പൃഥ്വിരാജ് . ഏതു വിഷയത്തിലും ആരെയും കൂസാതെ പൃഥ്വിരാജ് അഭിപ്രായവും നിലപാടും വ്യക്തമാക്കും. നടി ആക്രമിക്കപെട്ടപ്പോൾ ശക്തമായ പിന്തുണ നൽകിയ പൃഥ്വിരാജ് ഇപ്പോൾ ശബരിമലയിലെ സ്ത്രീ പ്രവേശനത്തിൽ പ്രതികരിച്ചിരിക്കുകയാണ്.

വനിതയ്ക്കു നല്‍കിയ അഭിമുഖത്തിലാണ് പൃഥ്വിരാജ് ശബരിമല വിഷയത്തില്‍ പ്രതികരിച്ചിരിക്കുന്നത്. ‘ശബരിമല ദര്‍ശനത്തിനുപോയ സ്ത്രീകള്‍ അയ്യപ്പനില്‍ അടിയുറച്ച്‌ വിശ്വസിക്കുന്നവരാണോ എന്നറിഞ്ഞാല്‍ അഭിപ്രായം പറയാം.

അതല്ലാതെ വെറുതേ കാട്ടില്‍ ഒരു അയ്യപ്പനുണ്ട്, കാണാന്‍ പോയേക്കാം എന്നാണെങ്കില്‍ ഒന്നേ പറയാനുള്ളൂ, നിങ്ങള്‍ക്ക് പോകാന്‍ എത്ര ക്ഷേത്രങ്ങളുണ്ട്. ശബരിമലയെ വെറുതെ വിട്ടുകൂടേ. അതിന്റെ പേരില്‍ എന്തിനാണ് ഇത്രയും പേര്‍ക്ക് ബുദ്ധിമുട്ടുണ്ടാക്കുന്നത്.’ പൃഥ്വിരാജ് ചോദിച്ചു.

പ്രായം കൂടുന്തോറും ദൈവങ്ങളിലും ബിംബങ്ങളിലുമൊക്കെയുള്ള വിശ്വാസം തനിക്ക് നഷ്ടപ്പെടുകയാണെന്നും പൃഥ്വിരാജ് പറഞ്ഞു. മതത്തില്‍ തീരെ വിശ്വാസമില്ല. പ്രപഞ്ചത്തെ നിയന്ത്രിക്കുന്ന ഒരു ശക്തിയുണ്ടെന്നാണ് കരുതുന്നത്. കുട്ടിക്കാലം തൊട്ടേ ക്ഷേത്രങ്ങളില്‍ പോയി പ്രാര്‍ത്ഥിച്ചിരുന്നതിനാല്‍ ഇപ്പോഴും അത് തുടരുന്നെന്നും പൃഥ്വി പറഞ്ഞു.

prithviraj about sabarimala women entry